San Pietru Kanisju

21 ta' Diċembru

Fis-seklu 16, l-osservanzi u id-duttrina tal-Knisja Kattolika kienu qed jiġu mhedda.  Minħabba f’hekk grupp ta’ insara, li aktar tard saru magħrufin bħala Protestanti infirdu minn mal-Knisja Kattolika.

Il-Protestanti kibru fil-għadd, bit-twemmin tagħhom jinxtered madwar l-Ewropa ċentrali, b’mod speċjali ġewwa fil-Ġermanja, fejn inbeda dan kollu.

Fis-sena 1545, il-Papa Pawlu III, sejjaħ konċilju biex jitlaqgħa ġo Trentu fl-Italja.  Aktar tard dan il-Konċilju sar magħruf bħala il-Konċilju ta’ Trentu.  Il-Kardinali u l-Isqfijiet ġew imsejjħa biex jindrizzaw il-problemi li kienet qed tiffaċċja il-Knisja, b’mod speċjali biex jikkonfermaw it-twemmin fundamentali tal-Fidi Kattolika, kif ukoll biex jiddiskutu  is-sitwazzjoni tal-Knisja fid-dinja.

Kien San Pietru Kanisju li sar il-persuna ċentrali fil-ħidma tal-Knisja biex ixxerred it-tagħlim tal-Konċilju ta’ Trentu bil-għan li tiġi iċċarata il-‘konfużjoni dottrinali’  ta’ dak iż-żmien.

San Pietru Kanisju twieled f’Nijmegen ġewwa l-Olanda f’Mejju tas-sena 1521. Ommu Aegidia mietet ftit wara li twieled.  Missieru, Ġakbu kien uffiċjal fis-servizz pubbliku, kien sinjur ukoll.  Pietru kien intelliġenti, fl-eta ta’ 20 sena kiseb ‘master’s degree’ mill-Universita ta’ Cologne.  Missieru riedu li jiżżewweġ, iżda Pietru daħal mas-Soċjeta ta’ Ġesu’ (Giżwiti) u ġie ordnat saċerdot fis-sena 1546.

Sena wara, Pietru flimkien ma’ l-Isqof ta’ Augsburg, bħala konsulent teoloġiku għall-Konċilju ta’ Trentu.  Kien għamel xi żmien jaħdem fl-Italja ma’ San Injazju ta’ Loyola, wara mar il-Bavarja fejn ħadem bħala professur ġo universita, katekista u predikatur; sar ukoll promotur tal-veritajiet dottrinali iddikjarati fil-Konċilju ta’ Trentu.

Ivvjaġa ukoll ġewwa Vjenna, Praga u Munich, fejn għaqad ix-xogħol pastorali ma’ xogħol akkademiku, waqaf skejjel, kulleġġi u universitajiet Ġiżwiti.  Ta’ importanza kbira kien il-fatt li seta jagħti it-tagħlim tal-Konċilju lill-poplu b’mod li jista jiġi mifhum minnhom.  B’riżultat ta’ dan, kien hemm qawmien fil-Fidi Kattolika ġewwa l-Ġermanja, fejn Pietru sar il-Provinjċal tal-Ġiżwiti. Meta kien Vjenna, irrifjuta l-offerta li jiġi ordnat Isqof; anki wara l-karriera akkademika tiegħu, kompla jiehu ħsieb il-morda u l-moribondi fi żmien il-pesta.

San Pietru Kanisju waqqaf 18-il Kulleġġ u kiteb 37 ktieb, imma jibqa’ imfakkar li ġabar flimkien l-ewwel u l-itwal verżjoni tal-Katekiżmu tal-Knisja Kattolika, flimkien ma żewġ verżjonijiet qosra.  Dawn saru bil-għan li tisaħħaħ il-Fidi Kattolika.

Fis-sena 1584, wara esperjenza mistika, iddeċieda li jibqa L-Isvizzera għal kumplament ta’ ħajtu, fejn kompla jikteb, jagħlem u jippriedka.  Anki wara li irkupra minn attakk ta’ puplesija, kompla bil-kitba tiegħu, bil-għajnuna tas-segretarju tiegħu.  San Pietru Kanisju miet nhar il-21 ta’ Diċembru 1597.

Ejjew niċċelebraw

  • San Pietru Kanisju kien ferhan bid-doni li Alla tah: l-intelligenza tiegħu, il-kisbiet akkademiċi, il-ħiliet kommunikattivi tiegħu li kien juża biex Ġesu’ ikun magħruf, skont it-tagħlim tal-Knisja Kattolika.
  • Ġesu’ tkellem dwar id-doni li nirċievu mingħand Alla biex intejjbu lilna nnfusna, biex ngħinu lill ħaddieħor u biex nagħmlu lil Ġesu’ magħruf billi nuru it-twemmin tagħna fih.  Din l-istorja li qalilna Ġesu’, jgħidulha ‘Il-Parabbola tat-Talenti’.  Aqraw din l-istorja mill-Bibbja, jew araw: Matthew 25 The Parable of the Talents.  

(Spjega lit-tfal li ‘talenti’ fi żmien Ġesu’ kienet ammont kbir ta’ flus, filwaqt li illum tfisser id-doni li jkollha persuna).  Spjega lit-tfal li permezz ta’ din il-Parabbola, Ġesu’ ried juri li kulħadd għandu xi don partikulari u kwalitajiet tajbin li hemm bżonn li nużaw biex inkunu persuni aħjar; għalina nnfusna u anki għall-oħrajn, biex inwettqu dak li Alla qiegħed jistenna li nagħmlu matul ħajjitna.

Ħeġġighom biex jesprimu u jirrikonoxxu il-kwalitajiet tajbin tagħhom.  Ejjew niringrazzjaw lil Alla għad-doni li tana: Tajbin fil-matematika/ qari/kitba/tpinġija/ attivitajiet sportivi/delizzji -tkun qalbek tajba, ġeneruż jew ġeneruża, tagħti għajnuna.  Jekk jgħidulek ‘Ma nafx’ jew ‘miniex tajjeb għalxejn’, irrikonixxi id-doni tagħhom inti.  Sib opportunitajiet biex tafferma id-doni tagħhom meta issib okkażżjoni.  Minbarra li tgħinhom ikomplu isaħħu il-kwalitajiet tajbin tagħhom, tgħinhom ukoll itejbu l-istima tagħhom infushom

Kunu ta’ Għajnuna

– Fis-seklu 16, ma kienx hemm televiżjoni, internet, telefon jew mowbajl!  San Pietru Kanisju ivjaġġa madwar l-Ewropa biex jilħaq mijiet ta’ persuni bit-tagħlim tal-Knisja Kattolika, biex jippriedka, jgħallem, u jippromovi il-Fidi Kattolika.

Nistgħu nippruvaw inxerrdu messaġġ ta’ mħabba billi inkunu ta’ għajnuna għal dawk li niltaqgħu magħhom fi żmien il-Milied.  Santa Tereża ta’ Kalkuta qalet li meta fuq wiċċna nuru it-tjieba u tbissima, inkunu “espressjoni ħajja tat-tjieba ta’ Alla.”

  • Araw kif nistgħu inkunu ta’ għajnuna għal xi tifel jew tifla li m’għandhomx ħbieb fil-klassi, ġirien li jgħixu wehedhom, membri tal-familja jew xi hadd li ilna ma naraw żmien twil.

Ħin għat-talb mal-Familja

– Għin lit-tfal jaraw li il-Bambin Ġesu’, huwa l-ikbar rigal li irċevejna:  L-Iben ta’ Alla li sar bniedem, biex juri it-triq lejn Alla L-Missier.

Aqraw l-Istorja tat-Twelied ta’ Ġesu’ jew araw The Birth Story of Jesus bħala esperjenza ta’ talb; u wara irriflettu x’ħassew Marija u Ġużeppi: l-ansjeta minħabba li ma sabux post xieraq fejn jitwieled Ġesu’ u il-ferħ li ħassew meta twieled Ġesu’.  Wara ir-riflessjoni tistu titolbu flimkien it-Tielet Misteru tal-Ferħ.

Għinhom jiktbu ittra jew talba lill Bambin biex jirringrazzjawh għal dak kollu li ipprovdielhom matul is-sena, u għall-għajnuna Tiegħu meta kellhom xi problemi.  Agħtihom ftit ħin biex jitolbu lill Bambin verbalment jew fis-silenzju.

Araw mill-ġdid: The best Christmas song I’ve ever heard

Kif tuża dan l-ispazju

Alla jkellimna b'ħafna modi, inkluż permezz tal-qaddisin tal-Knisja. Hawnhekk tista' ssib tagħrif u attivitajiet li jistgħu jgħallmuk dwar x'inhi l-qdusija u li jħeġġuk tgħix ħajja dejjem aktar qaddisa.