Ħelow tfal!
Ġie li kellek xi esperjenza fejn ipparteċipajt f’xi avveniment mal-ħbieb tiegħek bl-għan li tgħinu lil ħaddieħor? Kif ħassejtek meta għamiltu dan flimkien? Meta nagħtu sehemna f’attivitajiet bħal dawn, nindunaw li kulħadd għandu x’jagħti. Mill-qatra ta’ kulħadd nimlew flixkun ilma, u flimkien naslu għal riżultat sabiħ.
Il-Prayer Space ta’ din il-ġimgħa jisimha: Insalata tal-frott
Għaliha għandna bżonn:
- frott frisk, sikkina u skutella.
jew
- mudell ta’ skutell
- pinna
- lapes
- kuluri
Aħseb ftit fi xi ħbieb tiegħek li magħhom kellek esperjenza fejn flimkien tajtu ħin u enerġija biex tgħinu lill-oħrajn. Waqt li tagħmel dan, ipprepara insalta tal-frott ġo scutella. Fl-istess ħin li qed tiekol il-frott għid talba żgħira għal dawn il-ħbieb, jew fil-mudell tal-iskutella pinġi insalata tal-frott u fuq l-iskutella ikteb talba għal dawn il-ħbieb.
Ftit ħin miġburin fit-talb.
Saħħa ħbieb sakemm nerġgħu niltaqgħu.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
