San Martin ta’ Tours

11 ta' Novembru

San Martin twieled fis-sena 316, minn ġenituri pagani f’Sabaria, l-Ungerija. Għalkemm għaddew ħafna snin, il-personalità tiegħu għadha ħajja! Matul iż-żmien, inġabru ħafna leġġendi fuq San Martin li fihom jidher bħala l-eroj. Dawn il-leġġendi juru l-kwalitajiet qaddisa u straordinarji tiegħu, kwalitajiet li baqgħu ħajjin minkejja ż-żmien li għadda.

Hu mar wara missieru, li kien uffiċjal militari għoli Ruman, lejn l-Italja, u kif kien mistenni minnu bħala iben ta’ uffiċjal f’pożizzjoni għolja, ingħaqad mal-armata Rumana meta kellu ħmistax-il sena.

Ħassu miġbud lejn il-Fidi Kattolika u, għalkemm il-ġenituri tiegħu kienu pagani, hu beda jattendi l-knisja Nisranija meta kellu għaxar snin.  Ingħaqad mal-katekumeni, jiġifieri sar kandidat bi preparazzjoni biex jirċievi l-magħmudija.

Meta kellu tmintax-il sena, tgħammed u rrifjuta li jibqa’ suldat fl-armata Rumana. Huwa sostna, li bħala suldat ta’ Kristu, ma kienx permess għalih li jiġġieled.

Sar patri, u aktar tard, Isqof ta’ Tours, iżda xorta waħda kien jgħix f’ċella żgħira, mhux ‘il bogħod minn Tours.

Il-leġġenda famuża tal-mantell u stejjer oħra, juru lil Martin bħala bniedem qaddis li kien jieħu ħsieb il-morda, il-fqar u lil dawk imwarrba mill-kumplament tal-komunità.

Huwa vvjaġġa, ippriedka u ħeġġeġ għall-konverzjoni biex iwassal għall-konverżjoni għall-Kristjaneżmu; b’hekk, minflok ma ġġieled bħala suldat, huwa ġġieled kontra dawk li kienu jitkellmu kontra l-fidi Nisranija.

Fl-istorja tal-mantell ta’ San Martin, il-qaddis ma tax xi ħaġa li ma kellux bżonnha. Huwa ta lit-tallab fqir xi ħaġa li kien għad għandu bżonn; anzi, ta s-simbolu tiegħu bħala suldat Ruman.

Tkellem mat-tfal dak li huma lesti li jaqsmu ma’ ħaddieħor – xi ħaġa għal qalbhom ħafna! Dan jista’ jvarja minn ġugarelli u ħelu (għat-tfal żgħar) jew affarijiet oħra aktar sinifikanti, bħal: li tagħti l-attenzjoni u tieħu ħsieb lill-oħrajn, li tisma’ (lill-membri tal-familja jew lil min iħossu waħdu), li taqsam il-ħin fuq il-kompjuter jew il-laptop, u li taqsam in-noti mal-ħbieb li jkunu fallew l-iskola minħabba mard.

Fil-ħolma li kellu wara li Martin ta l-mantell lill-fqir, Ġesù stqarr li Martin kien qasam il-mantell tiegħu ma’ Ġesù.

Tajjeb li tipprepara minn qabel is-silta minn San Mattew 25, 35-40. Aqralhom almenu vers wieħed:

“kont bil-ġuħ u tmajtni”.

“Kull ma għamiltu ma’ wieħed mill-iżgħar fost dawn ħuti, għamiltuh miegħi”

Iddiskuti mat-tfal:  Xi jfisser li tara lil Ġesù f’ħaddieħor? Huwa diffiċli li tara lil Ġesù f’nies oħra? Għalfejn?

Għinhom jirrealizzaw li huwa pjuttost faċli li naraw lil Ġesù f’dawk li magħhom niftiehmu tajjeb, f’dawk li juruna mħabba u f’dawk li huma twajba magħna. Aċċetta l-fatt li huwa diffiċli li naraw wiċċ Ġesù f’dawk li ma naqblux magħhom, f’dawk li ma nħobbux, jew f’dawk li jwaqqgħuna għaċ-ċajt jew saħansitra jagħmlulna l-ħsara.

Kif nistgħu negħlbu dawn ir-reazzjonijiet? (Dan jista’ jwassal għal djalogu dwar kif inkunu assertivi mingħajr ma nirrabjaw u nħossuna ħerqana li npattu). Ġesù nnifsu jgħinna jekk biss nitolbuh għall-għajnuna tiegħu.)

Martin għex fi zmien meta l-Kristjaneżmu ma kienx popolari, għax ftit snin qabel, il-Kristjani kienu jiġu ppersegwitati u ma jitħallewx jipprattikaw il-fidi tagħhom. Madankollu Martin ħadem biex iwassal in-nies għall-konverżjoni lejn il-Kristjanezmu. Huwa wassal “id-Dawl ta’ Kristu” lil dawk li ma kinux jemmnu.

Mat-tfal ikbar, tista’ tiddiskuti kif anke fil-ħajja tagħna tal-lum, għandna bżonn inxerrdu l-fidi tagħna. Ħallihom jipproponu l-ideat tagħhom u ggwidahom biex jirrealizzaw li dan jista’ jsir permezz tal-imġiba tagħna, bil-mod kif nitkellmu, u billi ma noqogħdux lura milli nitkellmu dwar dak li nemmnu fih u dwar il-prattiki reliġjużi tagħna.

Ħin tat-talb mal-familja: Ħalli lit-tfal jesprimu t-tħassib tagħhom fit-talb personali dwarhom infushom, waqt li jistinkaw biex ikunu aktar konxji tal-ħtiġijiet tal-oħrajn — ta’ dawk li għandhom bżonn l-għajnuna — u biex jaċċettaw lill-oħrajn bl-imħabba, inkluż dawk li għadhom ma jgawdux is-sbuħija tal-fidi Kattolika.

San Martin kien suldat, u darba, meta kien qed jivvjaġġa, ra tallab iħoss ħafna bard. San Martin tħassru u tah biċċa mill-mantar tiegħu. Ftit taż-żmien wara, San Martin tgħammed u sar qassis. San Martin beda jipprietka fil-kampanja u għen lil ħafna fqar.

F’Malta għandna t-tradizzjoni li jkollna l-Borża ta’ San Martin, li tkun mimlija bil-ġewż, bil-lewż, bil-qastan u bit-tin. Biex vera niċċelebraw il-festa ta’ San Martin, aqsam l-affarijiet tiegħek mal-oħrajn. U jekk għandek Borża ta’ San Martin, qabel tibda tqassam u tiekol mill-affarijiet li hemm fiha, staqsi lil qassis biex ibierek il-borża u lil dawk li se jieklu minnha.

Colouring pageDownload

Kif tuża dan l-ispazju

Alla jkellimna b'ħafna modi, inkluż permezz tal-qaddisin tal-Knisja. Hawnhekk tista' ssib tagħrif u attivitajiet li jistgħu jgħallmuk dwar x'inhi l-qdusija u li jħeġġuk tgħix ħajja dejjem aktar qaddisa.