L-attivitajiet ta’ Pink October isiru kull sena f’Malta u madwar id-dinja biex ngħinu lill-pazjenti li jbatu bil-kanċer tas-sider u lill-familji tagħhom. Din l-attivita’ tgħin biex nifhmu kif tista’ tipprevjeni u tikkura din il-marda u biex jinġabru fondi għall-pazjenti bil-kanċer tas-sider. Il-flus li jinġabru waqt Pink October jingħataw ukoll lil dawk l-għaqdiet li jagħmlu riċerka importanti dwar il-prevenzjoni u l-kura tal-kanċer.
Din ir-rokna ta’ talb jisimha Talb Roża.
Ikollok bżonn:
- Kuruna tar-Rużarju roża (jew xi kulur ieħor)
Istruzzjonijiet
- Aħseb fit-tfal, żgħażagħ u adulti li mardu bil-kanċer tas-sider u fil-familji tagħhom. Irrifletti fuq kif iħossuhom u x’ikollhom bżonn.
- Aqbad il-kuruna tar-Rużarju u għid għaxar Sliema u Qaddisa għall-pazjenti tal-kanċer u l-familji tagħhom.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
