Fid-dinja hawn ħafna tfal u anki adulti li qegħdin imutu bil-għatx għax m’għandhomx ilma nadif x’jixorbu, speċjalment f’pajjiżi foqra. Imma ħafna nies mhumiex neqsin biss mill-ilma jew mill-ikel jew minn dar fejn joqogħdu. Hawn nies li huma neqsin mill-imħabba, il-ferħ, il-ħbiberija u l-paċi u għalhekk huma bil-għatx għal dawn l-affarijiet.
Din ir-rokna ta’ talb jisimha: l-ilma li jaqta’ l-għatx.
Ikollok bżonn:
- Fliexken tal-plastik
- Labels
- Markers jew pinen
- Agħżel tip ta’ għatx li hemm miktub fuq il-fliexken.
- Ħu karta forma ta’ flixkun u fuqha ikteb it-tip ta’ għatx li għażilt.
- Ikteb x’tista’ tagħmel int biex taqta’ l-għatx ta’ persuna oħra.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
