Ġieli saqsejt lill-ġenituri jew pruvajt tfittex xi jfisser ismek? Fit-12 ta’ Settembru niċċelebraw l-isem imqaddes ta’ Marija. L-isem ta’ Marija jfisser maħbuba. Marija kienet magħżula għall-missjoni importanti ħafna – li twassal l-Iben t’Alla fid-dinja, u għalhekk kienet maħbuba u magħżula minn Alla.
- Fil-ġenb ta’ karta, ikteb ismek b’ mod wieqaf. Ħares lejn ismek u irriffletti ftit fuqek innifsek.
- Aħseb fuq kull ittra u minn kull ittra oħroġ aġġettiv sabiħ li jiddiskervik. Jekk teħel ftit, staqsi lil tal-familja jew lil sħabek, għax dawn jkunu raw affarijiet pożittivi fik li inti ma tkunx rajt.
- Żejjen l-karta bil-kuluri u stickers, u weħħilha x’imkien fejn tarha kuljum.
- Inġabar ftit fil-kwiet u għid talba ta’ ringrazzjament lil Alla għall-karatteristiċi sbieħ li hemm fik.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
