Ħelow Tfal!
Ġieli saqsejt lill-ġenituri jew pruvajt tfittex xi jfisser ismek?
Fit-12 ta’ Settembru niċċelebraw l-Isem Imqaddes ta’ Marija.
L-isem ta’ Marija jfisser maħbuba. Marija kienet magħżula għall- missjoni importanti ħafna – li twassal l-iben t’Alla fid-dinja, u għalhekk kienet maħbuba u magħżula minn Alla.
Il-Prayer Space tal-lum jisimha Ismi u għaliha ser jkollna bżonn karta vojta u kuluri.
Fil-ġenb tal-karta, ikteb ismek b’ mod wieqaf. Ħares lejn ismek u irriffletti ftit fuqek innifsek. Wara, aħseb fuq kull ittra u minn kull ittra oħroġ aġġettiv sbieħ li jiddiskervik. Jekk teħel ftit, saqsi lil tal-familja jew lil sħabek, għax dawn jkunu raw affarijiet pożittivi fik li inti ma tkunx rajt.
Żejjen l-karta bil-kuluri u sticker, u weħħilha x’imkien fejn tara kuljum.
Inġabar ftit fil-kwiet u għid talba ta’ ringrazzjament lil Alla għal karateristiċi sbieħ li hemm fik.
Saħħa ħbieb!
Sakemm nerġgħu niltaqgħu.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
