Alla jixtieq li ħadd minna ma jkun jonqsu xejn jew jkun bil-ġuħ. Huwa jipprovdilna l-ikel speċjali tiegħu li jagħtina s-saħħa u l-qawwa spiritwali biex nħobbu lill-oħrajn kif ħabbna HU. Hekk, bħalu aħna naħdmu biex ħadd ma jkun bil-ġuħ. Madwarna hawn tipi differenti ta’ ġuħ. Hawn min ma għandux l-ikel materjali iżda hawn ukoll min hu bil-ġuħ għall-imħabba, għall-maħfra, għall-paċi, għar-rispett, għall-kuraġġ u iktar.
- Ħu ftit ħin biex taħseb dwar it-tipi differenti ta’ ġuħ li nies għandhom.
- Issa fuq il-qafas, forma ta’ ħalq, ikteb talba lil Alla għall kull min għandu xi tip ta’ ġuħ u itolbu jgħinek tara x’tista’ tagħmel inti biex tnaqqas minn dawn it-tipi differenti ta’ ġuħ eżempju: ngħin u nagħmel kuraġġ lill-oħti li qed tibża’ ħafna mill-eżamijiet jew nitlob lil Alla sabiex jgħini naħfer lil min weġġagħni.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
