Ġieli tkunu qed tagħmel xi ħaġa u f’daqqa waħda jaqbdek il-ġuħ? U taf li fil-kċina hemm xi ħaġa vera tajba tal-ikel imma l-bieb tal-kċina huwa magħluq. Inti, kieku x’tagħmel?
Tiftħu l-bieb jew tħallih magħluq?
Fil-Vanġelu ta’ Ġwanni 10: 1-10, Ġesù jqabbel lilu nnifsu mal-bieb tal-maqjel. Bħalma
n-nagħaġ iridu jgħaddu mill-bieb biex jidħlu, anke aħna rridu niltaqgħu ma’ Ġesù biex naslu għand Alla Missierna.
- Ħu karta b’forma ta’ nagħġa u ikteb ismek fuqha.
- Imbagħad ħu karta b’forma ta’ bieb u ikteb Ġesù huwa l-bieb li jwassalni għand Alla.
- Issa iftaħ il-bieb b’idejk u għaddi n-nagħġa minnu u waqt li qed tagħmel hekk itlob, biex dan il-bieb li qed jirrappreżenta lil Ġesù, tħallih dejjem miftuħ biex Ġesù jkun jista’ jgħinek tkun persuna li tħobb u tieħu ħsieb lil ta’ madwarek u jipproteġik milli tagħmel affarijiet ħżiena.
- Imbagħad tista’ twaħħal il-karta tal-bieb u tan-nagħġa fuq kartonċina u tpoġġieha ħdejn il-bieb tal-kċina biex tiftakar li trid taċċetta lil Ġesù u tħobb bħalu.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
