Ħelow tfal!
Qatt rajt kif jiġi milqugħ b’ ħafna ċapċip xi mexxej politiku minn dawk li jsegwuh? Il-mexxejja ġeneralment jintlaqgħu bil-briju għax is-segwaċi jafdawhom. Huma jafdaw li l-mexxej tajjeb tagħhom jimpurtah ġenwinament minnhom u ser jagħmel minn kollox biex huma jkunu jistgħu jgħixu ħajja aħjar minn dik li qed jgħixu bħalissa.
Meta Ġesù kien fi triqtu lejn Ġerusalemm, il-folla rat fih mexxej kbir li seta’ jagħtihom il-libertà li riedu mill-ħakma tar-Rumani. Huma raw f’ Ġesù sultan li seta’ jwassalhom biex jgħixu ħajja aħjar.
Il-prayer space li ser nagħmlu llum fimkien ma’ dawk li jgħixu magħna jisimha – Idejn tal-Palm u għaliha għandna bżonn:
- Biċċiet tal- karti ħodor
- Imqass
- Lapes u markers
- Sticky tape jew glue stikk
Ħu ftit ħin biex taħseb f’aġġettivi li bihom tista’ tiddeskrivi lil Alla tiegħek bħal Twajjeb, Ħanin, u Sultan.
Pawża ta’ 5 sekondi
- Fuq il-karti l-ħodor agħmel il-forma ta’ idejk biex meta taqta’ madwarhom tkun tista’ tużhom bħala weraq.
- Fuq dawn l-idejn tal-karti ikteb jew pinġi dawn l-aġġettivi li jiddeskrivu lil Alla tagħna u weħħel dawn l-idejn fuq l-istikka tal-popsicle.
- Issa agħlaq għajnejk u waqt li titlob faħħar u adura lil Alla waqt li taħseb fl-aġġettivi li għażilt biex tiddeskrivi lil Alla eżempju Nafda fik O Alla għaliex int Alla twajjeb u ħanin.
Pawża ta’ 10 sekondi miġburin fit-talb.
Poġġi din il-palma tal-karti x’imkien li tfakkrek fil-kwalitajiet sbieħ li għandu Alla tiegħek. Saħħa ħbieb sakemm nerġgħu niltaqgħu.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
