L-ewwel snin tal-Knisja kienu ta’ sfida għall-Fidi. Kienet assedjata b’ereżiji li kienu jitfu dubji fuq it-twemmien u d-duttrina fundamentali tal-Fidi Kattolika. Waħda minn dawn l-ereżiji kienet l-Arjaniżmu, imsemmija hekk għal Arius li kien bdieha. Din l-ereżija kienet tgħallem li Ġesu’ ma kienx Divin u ma kienx ħaġa waħda mal-Missier.
San Ċirillu twieled madwar is-sena 315. Ftit huwa magħruf dwar it-tfulija tiegħu, ħlief li l-ġenituri tiegħu kienu Nsara u li trabba f’Ġerusalemm. Mid-dehra Ċirillu kien jagħmel parti minn grupp li kienu jissejħu Solitarji. Dawn kienu irġiel devoti li filwaqt jibqu jgħixu f’darhom u mhux ġo monasteru, ma kienux jiżżewwġu u kien jiddedikaw ħajjithom għat-talb, penitenza u servizz lejn il-proxxmu.
Ċirillu ġie ordnat djaknu u wara saċerdot, mill-Isqof Massimu, li huwa ukoll Qaddis, u ħatru bħala dak li kien jipprepara u jgħallem lill-katekumeni. Dawn kienu jitghallmu l-katekiżmu bi preparazzjoni għall-Magħmudija li kienet issir nhar l-Għid. Wara l-mewt ta’ Massimu, Ċirillu ġie ikkonsagrat bħala Isqof ta’ Ġerusalemm.
Meta Ġerusalemm kien hemm għaks kbir, il-fqar u dawk bil-ġuħ kienu jmorru għand l-Isqof Ċirillu għal għajnuna. Meta beda jara ħafna nies qed imutu bil-ġuħ, biegh xi affarijiet mill-knisja biex jitma lill-fqar. Huwa ġie akkużat li biegh l-affarijiet tal-knisja biex iżżomm il-flus għalih u ġie imkeċċi mid-djoċesi tiegħu.
Imma l-ikbar sfida ta’ l-Isqof Ċirillu kienet li kellu jiffaċċja kienet meta inqabad fil-konflitt bejn l-Isqfijiet li baqgħu iżżommu mat-twemmien tal-Knisja Kattolika u dawk l-Isqfijiet li bdew jiffavorixxu l-Arjaniżmu. L-ikbar konflitt li kellu kien ma Isqof Arjan jismu Acacius, mhux biss minħabba id-differenzi fit-twemmien, imma ukoll minħabba l-problema tat-territorju, li bħala l-Isqof ta’ Ġerusalemm, Ċirillu ħass id-djoċesi tiegħu ma kienetx taghmel parti minn dik ta’ l-Isqof Acacius. Minħabba f’hekk l-Isqof Ċirillu spiċċa eżiljat darbtejn oħra l-barra minn Ġerusalemm, darba minnhom kien eżiljat għal ħdax-il sena!
Waqt il-Konċilju ta’ Konstantinopli, Ċirillu ġie meħlus minn kull inġustizzja u l-Arjaniżmu ġie ikkundannat. Ċirillu baqa Isqof ta’ Ġerusalemm għal tmien snin oħra fejn ħadem bla waqfien biex jistabbilixxi l-paċi, jieqfu il-konflitti u jippromovi it-twemmien fundamentali tal-Fidi Kattolika. Ċirillu miet fl-eta ta’ 70 sena fis-sena 386.
San Ċirillu jibqa mfakkar għat-tagħlim li kien jagħti lil dawk li kienu qed jippreparaw biex issiru Nsara, wara l-Magħmudija.
Il-Ministeru Għat-Tisħib Tal-Adulti Fil-Ħajja Nisranija huwa programm li l-Knisja Kattolika għadha twettaq għal dawk li jkun ser issiru Nsara fil-Vġili tal-Għid. Minbarra fil-Magħmudija jirċievu ukoll l-Ewwel Tqarbina u is-Sagrament tal-Griżma.
Dawk li tgħammdu meta kienu trabi, meta jikbru, ikomplu jirċievu it-tagħlim tad-Duttrina li tgħinhom issiru jafu xi tfisser li tkun Nisrani. Meta jimmaturaw u jifhmu iżjed, jiriċievu il-maħfra fis-Sagrament tal-Qrar, jirċievu l-Ewwel Tqarbina u aktar tard jirċievu is-Sagrament tal-Griżma.
- Ikkunsidra li tmur mat-tfal għal Quddiesa tal-Vġili tal-Għid biex tkunu preżenti għall-Magħmudija tal-Adulti. Jew tistgħu tistaqsu l-Kappillan meta ser ikun hemm Magħmudija u attendi għaliha flimkien mat-tfal.
- Igħid lit-tfal id-data li fiha tgħammdu u wrihom iċ-Ċertifikat tal-Magħmudija. Użaw kartonċina biex twaħħlu fuqha ritratti tal-Magħmudija; madwarhom iktbu l-isem tal-Knisja fejn tgħammdu, l-isem tas-Saċerdot li għammidhom, iktbu ukoll f’post prominenti id-data li fiha tgħammdu.
Mill-ħajja ta’ San Ċirillu tistgħu tieħdu l-opportunita li titkellmu dwar l-esperjenzi tagħhom meta ħassewhom esklużi, bhal jekk tħallew barra minn grupp, ma intgħażlux bħala parti mit-tim, jew kienu imweġgħa minn dawk li kienu ikkunsidrati bħala ħbieb.
Jekk jiġu d-dar u jaqsmu xi esperjenza tagħhom fejn tħallew barra, ismagħhom, ifhimhom u appoġġjawhom. Tgħid xejn li jistgħu jifhmu li qed tgħidilhom biex jaġġixxu b’mod differenti biex jintgħoġbu.
Evelwa is-sitwazzjoni, biex tara jekk l-esklużjoni qed issir xi forma ta’ ‘bullying’ sottili, minħabba l-fatt li din tista taffetwa l-imġieba u l-interazzjoni soċjali tagħhom.
Ħin tat-Talb mal-Familja
- Mexxi talba ta’ ringrazzjament li intom membri tal-Familja ta’ Alla, bħala Kattoliċi permezz tal-Magħmudija. Itolbu ukoll għal dawk li qegħdin jippreparaw għal Magħmudija fl-Għid l-ġej, għal missjunarji madwar id-dinja li qegħdin ixxandru u jagħmmdu lin-nies.
- Tistgħu taraw:
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
