San Franġisk Saverju

3 ta' Diċembru

San Franġisk Saverju twieled ħdejn Pamplona, Spanja, fil-Kastell Xavier, fis-7 ta’ April, 1506.  Fl-1524, daħal l-Università ta’ Pariġi biex jistudja l-filosofija, u ħa l-Grad mill-Kulleġġ ta’ Santa Barbara. Hawn iltaqa’ u sar ħabib ma’ Sant’Injazju ta’ Loyola.

Injazju għenu jbiddel l-ambizzjonijiet tiegħu mill-fama tad-dinja għal waħda lejn il-fidi nisranija. Fil-fatt, il-ħsieb tiegħu kien fuq l-istudju u t-tagħlim u kien ippjana li jsir professor tal-filosofija fl-Università.

Imma Alla kellu pjanijiet oħra għalih. Ta’ 28 sena, hu ċeda għall-ideali għoljin t’Injazju wara li kien ilu jgħix fl-istess kamra miegħu u mal-Beatu Pietru Favre fl-Università ta’ Pariġi.  Fl-1537, Franġisk flimkien ma’ Injazju u erba’ Ġiżwiti oħra kien ordnat saċerdot f’Venezja. Hu sar wieħed mill-ewwel sitt kumpanni ta’ Injazju li ħadu l-voti f’Montmartre, fl-1534.

Fl-1542, hu vvjaġġa lejn Goa, l-Indja, fejn qeda lill-foqra, żar lill-priġunieri u lill-morda, u għammed eluf ta’ nies. Għamel l-Evanġelju aċċessibbli billi ttraduċa t-tagħlim u kkompona mużika għat-talb.

Mill-1545 sal-1548, hu mar fil-Ġappun fejn kompla bil-missjoni tiegħu.

Fl-1549, Franġisk Saverju kien l-ewwel missjunarju nisrani li daħal il-Ġappun, fejn qatta’ aktar minn sentejn jadatta ruħu għad-drawwiet tal-lokal u jistabbilixxi l-pedament għall-komunità nisranija.

Kellu xewqa kbira li jwassal il-Vanġelu fiċ-Ċina li dak iż-żmien kienet magħluqa għall-barranin. Għalhekk Franġisku mar fuq gżira żgħira ħdejn Hong Kong, ftit ‘il bogħod miċ-Ċina. Imma sfortunatament sakemm kien qed jistenna lil wieħed negozjant li kien wegħdu li kellu jdaħħlu bil-moħbi fiċ-Ċina, Franġisk marad u miet. Kien fit-3 ta’ Diċembru 1552, fl-età ta’ 46 sena.

San Franġisk Saverju kien iddikjarat qaddis, flimkien ma’ Sant’Injazju ta’ Loyola fl-1662. 

Santa Tereża ta’ Lisieux u San Franġisk huma l-Patruni tal-Missjonijiet.

– YouTube
Enjoy the videos and music that you love, upload original content and share it all with friends, family and the world on YouTube.
www.youtube.com

Iddiskuti mat-tfal għaliex huwa importanti li jieħdu x-xogħol tal-iskola bis-serjetà.

  • Assigurahom li l-valur tagħhom ma jiġix iġġudikat mill-marki tagħhom, iżda minn kemm jieħdu xogħolhom bis-serjetà.
  • Kull wieħed u waħda minna jkollu valur kbir fil-ħajja għax kapaċi jagħmel b’responsabbiltà d-doveri tiegħu. L-aktar importanti hu li jagħmlu mill-aħjar li jista’.
  • Huwa importanti għal kull wieħed u waħda minna li jaqdi sewwa x-xogħol tiegħu fil-ħajja jkun xi jkun.

Ħu l-opportunità biex tiddiskuti mat-tfal ‘il-ħbiberija’.

Kien permezz tal-ħbiberija tiegħu ma’ Pietru Faber u aktar tard ma’ Injazju ta’ Loyola li Franġisku skopra dak li Alla kien qed jitlob minnu. Huma kienu ħbieb tajbin, għax l-influenza tagħhom fuq Franġisku wasslitu għal affarijiet tajbin.

  • Staqsi lit-tfal kif jistgħu jindunaw min huma l-ħbieb tajbin.
  • X’jagħmlu jekk jindunaw li ċerti ħbieb mhumiex bil-għaqal?
  • Għinhom biex isiru jafu kif jistgħu jkunu ħbieb tassew ma’ sħabhom.
  • Enfasiżża l-fatt li aħna dejjem għandna nitbissmu lil kulħadd kull meta niltaqgħu ma’ sħabna fi grupp anke jekk ma nkunux immorru sew magħhom.
  • Nistgħu “nippriedkaw” mhux biss bil-kliem imma bil-mod kif inġibu ruħna. Għin lit-tfal isibu eżempji kif jistgħu jagħmlu dan. 

Jgħidu li Franġisku kien juża l-kant u l-kanzunetti biex jgħin lin-nies jiftakru l-katekiżmu. Tista’ tipprova tkanta xi talba li nafu bħal “Sliema” u “Glorja” biex it-tfal jiftakruha aktar.

Ignazju sfida lil Franġisku bil-kliem famuż: “X’jiswielu bniedem li jikseb id-dinja kollha, jekk imbagħad jitlef ruħu?”(Mt.16,26). Dan biddel profondament il-perspettiva ta’ Franġisku.

Sib minn qabel xi kwotazzjonijiet mill-Vanġeli. Ipprintjahom. Għin lit-tfal il-kbar jaqraw xi sentenzi mill-Vanġelu li jkunu ppreparaw. 

Ħin tat-Talb mal-Familja:  Ħallihom jesprimu dak li jħossu u dak li jiġilhom f’moħħhom meta jaqraw dawn is-siltiet.  Rimarka li huwa Ġesù li qed jagħtihom dak il-messaġġ.

Xi suġġerimenti:

  • Luqa 6,31
  • Mattew 19,14 u 22,37-39
  • Kolossin 3,20
  • Efesin 4,22
  • Salm 107.

San Franġisk twieled Spanja, u flimkien ma’ San Injazju ta’ Loyola waqqaf is-Soċjetà tal-Ġiżwiti.  Dan il-missjunarju ppriedka u xerred il-Kelma t’Alla fl-Afrika, fl-Indja, fil-Ġapan u l-Filippini. Li tkun Kattoliku f’dawn il-pajjiżi hija sfida kbira, imma San Franġisk qatt ma qata’ qalbu. Hu kien bniedem fidil lejn il-Mulej anke f’sitwazzjonijiet diffiċli ħafna.

– YouTube
Enjoy the videos and music that you love, upload original content and share it all with friends, family and the world on YouTube.
www.youtube.com

Pinġi din l-istampa!

TemplateNiżżel

Issa li ninsabu fiż-żmien tal-Avvent, filwaqt li nippreparaw biex niċċelebraw it-twelid ta’ Ġesù, ejjew nippruvaw ngħixu kif iridna Alla bħalma ma għex il-qaddis favorit tagħna.

Colouring pageNiżżel

Kif tuża dan l-ispazju

Alla jkellimna b'ħafna modi, inkluż permezz tal-qaddisin tal-Knisja. Hawnhekk tista' ssib tagħrif u attivitajiet li jistgħu jgħallmuk dwar x'inhi l-qdusija u li jħeġġuk tgħix ħajja dejjem aktar qaddisa.