Alla hekk ħabb lid-dinja li ta lil Ibnu l-waħdieni, biex kull min jemmen fih ma jintilifx, iżda jkollu l-ħajja ta’ dejjem (Ġwanni 3:16).
Dan hu dak li niċċelebraw fil-Milied!
U dan il-kliem hu dak li nisimgħu fir-raba’ Evanġelju skont San Ġwann Appostlu u Evanġelista, li huwa magħruf ukoll bħala id-dixxiplu l-maħbub.
Għalhekk ukoll hija sinifikanti li il-Knisja tiċċelebra il-festa ta’ San Ġwann jumejn biss wara l-Milied!
Ġwanni kien bin Salome u Żebedew, u is-sengħa tiegħu kienet dik ta’ sajjied. Ġwanni flimkien ma ħuh Ġakbu kienu dixxipli ta’ San Ġwann il-Battista meta sejjħilhom Ġesu’. Dawn iż-żewġ t’aħwa, telqu kollox u marru wara Ġesu’.
Flimkien ma Pietru u Ġakbu, Ġwanni kien xhud tal-qawmien ta’ bint Ġajru u kienu ukoll preżenti għat-trasfigurazzjoni ta’ Ġesu’ fuq it-tabor. Għen lill-Pietru biex jippreparaw l-aħħar ċena u qagħad ħdejn Ġesu’ waqt l-ikla. Ġwanni kien l-uniku appostlu li kien preżenti f’riġlejn is-Salib, fejn Ġesu’ qal lill Ġwanni biex jieħu lill-Madonna bħala ommu. Ma’ Pietru mar jara l-qabar vojt ta’ Ġesu’ u kien xhud ta’ l-ewwel sinjali tal-Qawmien ta’ Ġesu’ mill-Imwiet.
Ġwanni u Ġakbu kienu persuni kalmi u ġentili, imma kellhom it-tendenza li jirrabjaw u jitilfu l-paċenzja! Ġesu’ kien irrefera għalihom bħala ‘Ulied ir-Rgħad’; fil-fatt darba Ġesu’ kien widdeb lill Ġwanni u Ġakbu meta riedu li jinżel in-nar mis-sema fuq is-Samaritani.
Wara li l-Madonna ittieħdet is-Sema bir-ruħ u l-ġisem, Ġwanni ivjaġġa lejn l-Asja Minuri (illum it-Turkija), fejn ippriedka l-Evanġelju; huwa għex Prinċipalment Efesu, Belt fil-Greċja. F’dak iż-żmien, Ġwanni ġie arrestat u meħud Ruma, minħabba li l-Insara kienu ippersegwitati fuq ordni li inħarġet mill-Imperatur.
Ġwanni ġie ikkundanat għall-mewt; il-kundanna li irċieva kienet li jiġi mitfuh ġo żejt jagħli. Ġwanni b’mod mirakuluż ħareġ minn ġoż-żejt mingħajr ma ġratlu l-ebda ħsara! Wara dan il-miraklu, Ġwanni ġie eżiljat fuq il-gżira Griega ta’ Patmos.
Wara l-mewt tal-Imperatur, Ġwanni mar lura Efesu, fejn flimkien ma seba isqfijiet, ħa f’idejh it-tmexxija tal-evanġeliżazzjoni kontinwa ta’ l-Asja Minuri. Ġwanni miet, mewta naturali f’Efesu meta kellu il-fuq minn disgħin sena.
Fl-arti San Ġwann huwa irrepreżentat flimkien ma’ ajkla, għasfur li itir fil-għoli ħafna, li jissimbolizza ‘l-għoli li laħaq fl-evanġelju tiegħu.’
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
