Santa Katarina ta’ Lixandra

25 ta' Novembru

Jgħidu li Santa Katarina ta’ Lixandra għexet  madwar 320 AD. Kienet it-tifla ta’ Gvernatur pagan ta’ Alessandria fl-Egittu. L-Istorja ta’ ħajjitha hija mdawra b’leġġendi u stejjer li huma diffiċli ħafna biex  tiġi ppruvata l-verita’ tagħhom storikament. Imma huwa magħruf li hi għexet fi zmien meta kien diffiċli ħafna li wieħed jgħix ta’ Kristjan u jipprofessa l-fidi tiegħu.

Minkejja dan, Katarina, li kienet tħobb ħafna l-kotba u t-tagħlim, saret Kristjana ferventi permezz tat-tagħlim li ħadet. Studjat it-tagħlim Kristjan b’entuzjazmu kbir u bdiet tipproklama l-Fidi ma’ kull min tiltaqa’. Hija ressqet ħafna nies lejn ir-reliġjon Kristjana. Sar patri, u wara sar Isqof ta’ Tours, imma xorta kien jgħix f’ċella zgħira ftit il-bogħod minn Tours. Il-leġġenda ċelebri tal-mantell u stejjer oħra, juru lil Martin bħala bniedem qaddis li kien jieħu ħsieb il-morda, il-fqar u lil dawk imwarrba mill-kumplament tal-komunita’. Huwa vjaġġa u ppriedka u ħeġġeġ għall-konverzjoni lejn il-Kristjanezmu, allura issa minflok li ġġieled bħala suldat, huwa ġġieled ma’ dawk li kienu jitkellmu kontra  l-Fidi Kristjana.

Katarina vjaġġat minn Alexandra, fl-Eġittu sa Ruma biex taffronta lill-Imperatur li kien qed jippersegwita lill- Kristjani. Hi ma ċaħditx il-fidi tagħha lanqas meta kienet imsawta u mitfugħa l-ħabs taħt l-art. Hemm hi kompliet bl-isforzi tagħha biex tipperswadi lil dawk ta’ madwarha biex isiru jafu lil Kristu u jimxu warajH. Katarina ma ċedietx li tiċħad il-Fidi tagħha u l-imħabba tagħha lejn kristu. Meta  għadda z-zmien il-ħeġġa tagħha swietilha ħajjitha. L-Imperatur ordna li jaqtgħulha rasha. Huwa fatt li din it-tfajla ntelliġenti kellha għerf kbir u tattika kif tipperswadi. Imma dawn il-kwalitajiet biss ma kienux ikunu effettivi bizzejjed  kieku ma kellhiex ukoll għerf kbir fuq il-Fidi Kristjana. 

Kemm kienu mgħallma fuq il-Fidi it-tfal tagħna?

Ejja ma nħallux lill-uliedna maqtugħin mill-esperjenzi tal-Fidi. Fil-ħin tal-Quddiesa tal-Ħadd għandna nitkellmu magħhom fuq il-Vanġelu u fuq xi punti mill-omelija li kieku kienu jisimgħu.                                                     

Iddiskuti magħhom xi suġġetti Ii jkunu qed jistudjaw waqt il-lezzjoni tar-reliġjon fl-iskola u fil-klassi tal-katekizmu.

It-tfal tagħna jeħtieġ li jkunu sodi fil-Fidi tagħhom, jekk iridu jikbru f’ adulti  Kristjani li wieħed jista’ jserraħ fuqhom, kapaċi li jagħrfu t-tajjeb mill-ħazin mhux minn dak li naraw u nisimgħu minn ħbiebna jew minn fuq il-midja soċjali imma skont it-tagħlim ta’ Ġesu’ Kristu. Anke fiz-zmien modern, għad hawn nies kuraġġuzi li ħadu l-martirju minħabba l-fidi tagħhom. Dan sar f’pajjizi fejn il-Komunitajiet Insara ġew ippersegwitati minħabba li dak li kienu jemmnu kien jitqies bħala theddida għal dawk li kienu jmexxu l-pajjiz.( Tfal kbar jistgħu ifittxu huma stress fuq nies bħal dawn.)

 Fil-ħajja ta’ kuljum aħna wkoll nistgħu inkunu ppersegwitati b’mod differenti. Jistgħu jwaqqgħuna għaċ-ċajt, jirridikulawna għax għadna nisimgħu il-Quddies, għax inroddu s-Salib fil-pubbliku, jew għax ngħidu talba qabel nieklu anke f’xi Restorant. Nistgħu niġu mwaqqa għaċ-ċajt meta nitkellmu biex niddefendu l-Fidi tagħna.

Tajjeb niddiskutu mat-tfal kif iħossuhom meta jiġri dan u dwar kif iġibu ruħhom u xi jħossu huma personali. Inkoraġġihom biex ikomplu jipprattikaw il-Fidi pubblikament mingħajr ma jistħu. Tajjeb li jitolbu għal dawk li qed ibatu minħabba l-Fidi tagħhom. 

Nitolbu l’Alla jkompli jagħti l-kuraġġ lil dawn u lilna jtina s-saħħa biex nibqgħu nuru li nemmnu fi Kristu bil-mod kif ngħixu. 

Santa Katerina kienet żagħżugħa sinjura minn Lixandra, l-Eġittu. Kienet intelliġenti ħafna, fil-fatt hija l-qaddisa patruna tal-filosfi u tal-istudenti, u wkoll ta’ dawk li jagħmlu r-roti. Stampi ta’ Santa Katerina jippreżentaw lil din il-martri b’kuruna, bi ktieb u b’rota.

Illum se nagħmlu rota, biex tgħinna aktar naħsbu dwar kif Santa Katerina għażlet li tiddefendi l-fidi tagħha!

Għandna bżonn biss stikka tal-lolipop, ftit tajjar, pipe cleaners u CDs antiki. Tinsiex tibgħatilna ritratt tar-rota li tagħmel biex intellgħuh fuq il-paġna tagħna!

Kif tuża dan l-ispazju

Alla jkellimna b'ħafna modi, inkluż permezz tal-qaddisin tal-Knisja. Hawnhekk tista' ssib tagħrif u attivitajiet li jistgħu jgħallmuk dwar x'inhi l-qdusija u li jħeġġuk tgħix ħajja dejjem aktar qaddisa.