Togħma li tibqa’

Il- Beatitudnijiet huma stedina għal kulmin jixtieq jgħix fil-ferħ u l-hena veri.  Il- Qaddisin kollha huma xhieda li kulħadd jista’ jesperjenza l-hena u jgħix ferħan fil-mumenti differenti li ngħaddu minnhom matul il- ħajja tagħna.  Dak li d-dinja tqis bħala traġiku u tellef,

Ġesù jarah bħala barka:  l-umiltà, id-dispjaċir  ħabba l-mewt ta’ xi ħadd għażiż, il-ġentilezza, l-paċi u virtujiet oħra.

‘Henijin dawk ta’ qalbhom ħelwa, għax huma jkollhom b’wirthom l-art. Probabilment nafu b’persuni  b’qalb ħelwa li urewna rispett u attenzjoni.  Nies li qasmu magħna kliem ta’ għerf, inkoraġġiment u ħniena.

F’ Jum il-Qaddisin Kollha aħna grati għall-ħajja ta’ tant nies ta’ kull età li l-azzjonijiet u l-kliem tagħhom kienu jirriflettu l-qalb safja u ħelwa tagħhom.  Tajjeb li nirringrazzjaw lil Alla li permezz tagħhom stajna nduqu togħma ħelwa fil-ħajja speċjalment fi żminijiet ta’ sfida. 

Il-prayer space li ser nagħmlu llum jisimha Togħma  Li Tibqa’ u għaliha għandna bżonn:

• Karta b forma ta’  ħelwa
• Popsicle
• Biro jew markers

Ħu ftit ħin biex taħseb  dwar  persuna b’ qalb ħelwa  li  ħalliet toghma ħelwa f’ ħajtek.

Pawza 

Agħlaq għajnejk  u rringrazzja lil Alla għal din il-persuna li ħalliet togħma ħelwa f’ħajtek.  Tista’ wkoll titolbu  jgħinek turi rispett lil-oħrajn  billi  taħseb, tgħid u tagħmel kollox bil-ħlewwa.

Fuq il-karta b’ forma ta’ ħelwa, pinġi jew ikteb  messaġġ mimli ħlewwa.  Weħħel il- karta b’ forma ta’ ħelwa mal-popsicle u  poġġiha x’imkien  fejn  tħalli togħma ħelwa fil-ħajja ta kul min jaraha.