Ġie li kontu qed taraw xi film u kien hemm xi xena ta’ xi post qed jaqbad bin-nar, jew jista’ jkun li rajtu xi xena simili fir-realtà? Innutajtu kemm in-nar jinfirex malajr? Imbagħad jiġu l-ħaddiema tat-tifi tan-nar bil-vettura u jibqgħu jitħabtu sakemm in-nar jintefa’ għal kollox. Xi drabi fil-ħajja ngħaddu minn ċirkustanzi fejn inħossuna ftit imħawwdin u irrabjati. Importanti li nsibu l-għajnuna biex nikkalmaw in-nar li jkun qed jaqbad ġewwa fina, jiġifieri r-rabja.
- Aħseb f’sitwazzjoni li għaddejt minnha fejn ħassejt in-nar jaqbad ġo fik, ħassejtek xi ftit irrabjat, irrabjata.
- Ikteb jew pinġi din is-sitwazzjoni fuq karta.
- Għaffeġ il-karta, itfagħha ġol-borma antika, qabbad sulfarina u aħraqha.
- Itfa’ l-ilma biex titfi n-nar.
- Itlob lil Alla jgħinnek biex f’mumenti bħal dawn, bħall-ħaddiema tat-tifi tan-nar, tagħmel il-ħila tiegħek biex in-nar ma jkomplix jinfirex, u trrenja l-kalma.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
