Immaġina li għandek platt mimli bl-ikel favorit tiegħek. Meta nieklu xi ikla tajba u bnina żgur li nħossuna kuntenti u dan l-ikel jagħmilna b’saħħitna u ferħanin. Madankollu, hawn nies li tant huma foqra li m’għandhomx biżżejjed ikel biex jieklu huma u l-familja tagħhom. Ejjew naħsbu f’dawn in-nies li llum se jieklu vera ftit jew kważi xejn minħabba l-inġustizzji li hawn fid-dinja.
Dan l-ispazju ta’ talb jismu Platt Vojt.
Ikollok bżonn:
- Printout tal-qafas tal-pożati (platt, furketta, mgħarfa, sikkina) jew platt tal-kartun
- Kuluri jew materjal ieħor tat-tpinġija
- Stampi ta’ ikel favorit tiegħek
- Imqass
- Glue stick
- Biro jew lapes
Istruzzjonijiet:
- Aħseb fl-ikel favorit tiegħek u fl-ikel li se tiekol illum.
- Pinġi jew waħħal stampi tal-ikel favorit tiegħek fuq il-platt.
- Issa immaġina li int waħda minn dawk it-tfal li mhux se jkollhom ikel illum. Kif tħossok?
- Kun grat tal-ikel li għandek u itlob għall-ġustizzja fid-dinja.
- Oqgħod komda, agħlaq għajnejk u itlob biex Alla jmiss il-qlub tal-mexxejja tad-dinja u tan-nies sinjuri biex iqassmu aħjar ir-riżorsi naturali fid-dinja.
- Itlob biex il-foqra ikollhom platti mimlijin bl-ikel ħalli qatt ma jerġgħu jbatu l-ġuħ.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
