Minn hu Mistiku? Mistiku huwa persuna li l-akbar xewqa tiegħu jew tagħha hi għaqda profonda ma’ Alla, persuna li l-għan aħħari tagħha hi li tikseb din l-għaqda.
San Ġwann tas-Salib miżmum bħala mistiku u duttur tal-Knisja, mhux biss minħabba il-ħajja qaddisa tieghu, iżda wkoll minħabba it-tagħlim u l-kitbiet tiegħu li ibbenefikaw ħafna il-Fidi Kattolika. Barra minn hekk għadu magħruf bħala poeta Spanjol ta’ ħsieb spritwali profond.
Ġwann twieled fis-sena 1542 ġo Fontiveros, Avila ġewwa Spanja. Huwa trabba fil-faqar, minħabba li missieru, li kien ġej minn familja sinjura, ġie miċhud mill-familja tiegħu għax iżżewweġ lill Catalina, mara fqira ta’ klassi baxxa.
Meta Ġwann kellu tlett snin, missieru miet u sentejn wara miet ħuħ il-kbir. Ommu kienet bdiet taħdem bħala nissieġa, iżda xorta baqgħet titħabat biex titma u tlibes l-familja tagħha.
Eventwalment Ġwann intbagħat ġo skola residenzjali għat-tfal iltiema u aktar tard attenda skola tal-Ġiżwiti; kien jaħdem ukoll ġo sptar. Ġwann beda jħoss is-sejħa għal ħajja reliġjuża u fl-eta ta 21 sena huwa daħal fl-Ordni Karmelitan, fejn ingħata l-isem ta’ Ġwann ta’ San Mattija.
Wara li għamel il-voti li jgħix il-ħajja reliġjuża, Ġwanni intbgħat l-Universita’ ta’ Salamanca, biex jistudja it-Teoloġija u l-Filosofija. Huwa ġie ordnat Saċerdot fl-eta ta’ 25 sena. F’dak iż-żmien beda jikkonsidra jidħol fl-Ordni Kartużjan, ordni reliġjuż li l-patrijiet tiegħu jgħixu f’kmamar individwali u jgħixu ħajja kwieta ta’ meditazzjoni. F’dan l-istess żmien Ġwann iltaqgħa ma Tereża ta’ Avila, soru Karmelitana, li kienet qegħda terġa daħal ħajja aktar stretta fl-Ordni Karmelitan, ibbażata fuq ħajja sempliċi ta’ talb u faqar. Dawk li ingħaqdu ma’ Tereża kienu magħrufin bħala ‘Karmelitani Skalzi’ minħabba l-fatt li kienu jimxu ħafjin.
Ġwann, flimkien ma xi Patrijiet Karmelitani oħra, marru jgħixu Avila, qrib Tereża li kienet qegħda titħabat biex terġa tqajjem ir-regola antika u stretta ta’ l-Ordni Karmelitan, li kienu ġew adattati biex il-ħajja tar-reliġjużi tkun iktar faċli. Tereża waqfet monasteru għal-Patrijiet Karmelitani Skalzi, li għażlu jgħixu ir-regola aktar stretta. Minn dak iż-żmien Ġwanni għażel l-isem ta’ Ġwann tas-Salib.
Beda jinqala l-inkwiet bejn il-Karmelitani Skalzi u l-Karmelitani. Fis-sena 1577, Ġwann ġie maħtuf u mehud il-Monasteru ta’ Toledo, fejn wara proċess ġudizzjarju, ġie ikkastigat b’piena ta’ ħabs. Għal disa xhur sħaħ, Ġwann inżamm ġo ċella żgħira fil-monasteru, fejn kien jingħata biss ħobż u ilma u xi ħut mielaħ. Ġwann irnexxielu jaħrab u jerġa jingħaqad mal-Karmelitani Skalzi wara li kien għamel sitt gimgħat l-isptar.
Huwa baqa il-persuna ċentrali fi ħdan l-Ordni Karmelitan Skalz, wara li l-Papa Girgor XIII fis-sena 1580, awtoriża formalment s-separazzjoni tal-Karmelitani Skalzi mill-Karmelitani. Minn dak iż-żmien il-quddiem, Ġwann tas-Salib beda jivjaġġa madwar Spanja bil-għan li jwaqqaf postijiet ġodda għall-Ordni Karmelitan Skalz.
Ġwann tas-Salib miet fl-14 ta’ Diċembru 1599, minħabba kundizzjoni serja fil-ġilda li spiċċat saret infezzjoni qerrieda.
San Ġwann tas-Salib jibqa imfakkar mhux biss minħabba l-qdusija tiegħu u l-ispirtwalita profonda tiegħu, imma wkoll minħabba il-kitbiet tiegħu b’mod partikulari ‘il-Kantiku Spiritwali’ u ‘Il-Lejl Mudlam tar-Ruħ’, li għadhom meqjusa bħala kapolavuri ta’ poeżija Spanjola u ta’ kitba spiritwali. Jibqa imfakkar ukoll għat-tpinġija impresjonanti ta’ Ġesu’ Kurċifiss li San Ġwann tas-Salib pinġa wara li kellu viżjoni mistika ta’ Ġesu’ msallab. Huwa semmieha “Kristu l-fuq”.
Ara : https://christian.art/daily-gospel-reading/matthew-21-23-27-2020/
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
