Xita u xjenza

Ġieli kont f’xi lezzjoni tax-xjenza u spjegawlek kif issir ix-xita? Jew kont f’xi ġurnata sħuna u tinduna kemm huwa importanti l-ilma meta jaqbadna l-għatx? L-ilma huwa importanti ħafna fil-ħajja, mhux biss għax nixorbuh, imma permezz tiegħu ninħaslu, innaddfu, insaqqu u nkabbru l-ħxejjex. Ix-xjenza tgħinna nifhmu n-natura ta’ madwarna. Ħafna xjentisti jiskopru mediċini ġodda, modi ta’ fejqan ġodda u jgħallmuna iktar x’qed jikkawżaw ħsara lid-dinja u lill-bnedmin.

• Imla l-vażett tlett kwarti bl-ilma u kompli imla l-vażett bil-krema tal-leħja. 
• F’tazza separata ħallat il-kulur tal-ikel ma’ ftit ilma. 
• Aqbad l-pipetta u ibda iġbor l-ilma ikkulurit u itfgħu fuq il-krema tal-leħja. Meta l-krema tal-leħja timtela, tibda tniżżel l-ilma ikkulurit bħax-xita.
• Itlob talba ta’ tifħir lil Alla – faħħar lil Alla tax-xita, tal-ħolqien u tax-xjentisti.