Ġieli tirranġa xi kamra u tinduna kemm għandna affarijiet żejda? U imbagħad tkun qed tqalleb it-televixin u tara riklami jew dokumentarji dwar postijiet fejn bilkemm għandhom saqaf fuq rashom? Fl-Evanġelju Ġesù jfaħħar lill-mara xwejħa li fit-tempju tefgħat ftit ċenteżmi. Ma tefgħatx ħafna imma tefgħat dak kollu li kellha. Oħrajn li daħku biha tefgħu ħafna iżjed imma dan kien miż-żejjed tagħhom.
- Aħseb ftit fuq dawk it-tfal li lanqas għandhom fejn jorqdu u anke f’dik ix-xwejħa tal-Evanġelju li tat kulma kellha.
- Aħseb ftit fuq l-affarijiet li għandek inti u għamel lista tagħhom.
- Ħares lejn il-lista u mmarka liema huma bżonnijiet u dawk li huma xewqat.
- Aqbad xi oġġett jew tnejn mil-lista tax-xewqat u mal-ewwel ċans li jkollok għaddih lil xi istituzzjoni li tgħin lil tfal inqas ixxurtjati minnek.
- Itlob għal dawk kollha li jinsabu fil-bżonn u sabiex nagħrfu iżjed x’inhuma l-bżonnijiet mix-xewqat.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
