Get well soon

Spazju ta’ talb fid-dar u Talba għall-fejqan

Helow tfal,

Meta nkunu morda, nieħdu gost bl-attenzjoni u l-kura ta’ ħaddieħor, l-aktar tal-familja u l-ħbieb tagħna. Kelma ta’ nkoraġġiment tferraħna u tgħinna biex infiequ aktar malajr. Taf lil xi ħadd, forsi ħabib jew xi membru tal-familja tiegħek, li ma jiflaħx? Huwa importanti li tagħti kashom. Jekk ma jkunx possibbli li żżurhom, ċemplilhom jew ibgħatilhom messaġġ pożittiv biex turihom li tieħu ħsiebhom u ma nsejthomx. 

Dan l-ispazju tat-talb jissejjaħ Get Well Soon.

Ikollok bżonn:

  • Plasters tad-drapp
  • Pinna jew marker
  • Ħu plaster tad-drapp u ikteb isem il-marid jew marida fuqha bħala tama jew talba li se jħossuhom aħjar.
  • Waħħal il-plaster x’imkien fejn se taraha kuljum biex tiftakar u tikkuntattjahom b’xi messaġġ jew telefonata.

Kif tuża din il-paġna

Alla jkellimna b'ħafna modi, inkluż permezz tat-talb li nitolbu fid-djar tagħna. Hawnhekk tista' ssib tagħrif u attivitajiet li jistgħu jgħallmuk modi differenti ta' kif titlob u jħeġġuk tieħu r-relazzjoni tiegħek m'Alla b'aktar serjetà.