Idejn li jmexxuna

Hello tfal,

Aħna lkoll għandna nies f’ħajjitna li qegħdin hemm biex imexxuna u jiggwidawna. Il-mexxejja tagħna jistgħu jkunu l-ġenituri jew il-gwardjani tagħna, l-għalliema jew xi kowċ tal-isports jew taż-żfin. Jistgħu jkunu wkoll il-mexxejja ta’ pajjiżna jew tar-reliġjon tagħna. Xi kultant il-mexxejja imexxuna billi jgħallmuna u billi jagħtuna regoli u regolamenti. Mhux dejjem naqblu mad-deċiżjonijiet jew it-tagħlim tal-mexxejja tagħna iżda jekk niddjalogaw bir-rispett magħhom inkunu nistgħu naħdmu id f’id man-nies li jmexxuna u ma’ xulxin.

Din ir-rokna ta’ talb jisimha Idejn li jmexxuna

Ikollok bżonn:

• Karta vojta
• Kuluri
• Lapes jew pinna

Istruzzjonijiet

• Poġġi idejk fuq il-karta u pinġi madwar il-pala ta’ idek.
• Pinġi kull saba’ kulur differenti
• F’kull saba’, ikteb l-isem ta’ persuna li tiggwidak f’ħajtek.
•  Aħseb dwar kif dawn in-nies jgħinuk f’ħajtek. Ikteb talba għal wieħed jew għal dawn il-persuni kollha. 

Saħħa tfal. Ħudu ħsieb.