Ikklikkja l-maws

Hello tfal,

Kemm -il darba tuża l-komputer, laptop jew mowbajl f’ġurnata? 

It-teknoloġija tal-komunikazzjoni tal-informazzjoni jew l-ICT hija importanti ħafna f’ħajjitna għax tgħinna nsaħħu n-network soċjali tagħna. Tgħinna wkoll intejbu u nżommu ruħna aġġornati mal-informazzjoni. Meta tuża xi pjattaforma diġitali, huwa importanti li tkun taf tipproteġi lilek innifsek u lill-oħrajn minn kull forma ta’ cyberbullying. Tajjeb ukoll li nkunu konxji kif id-dinja diġitali u teknoloġika tista’ tinfluwenza l-ħsieb u l-imġieba tagħna sabiex nużaw din l-għodda indispensabbli biex ngħinu lilna nfusna u lill-oħrajn.

Dan l-ispazju ta’ talb jismu Ikklikkja l-Maws

Ikollok bżonn:

• Maws 
• Karta vojta
• Lapes jew pinna

Istruzzjonijiet:

• Irrilassa u ħu n-nifs ‘il ġewwa u ‘l barra.
• Ħu karta vojta u pinġi l-apparat teknoloġiku li tuża kuljum (mowbajl, komputer, laptop eċċ.)
• Ikklikkja fuq il-maws u aħseb kif tgħinek l-ICT fil-ħajja. Ikteb jew aħseb fil-modi kif l-ICT tgħinek tikkomunika, tgħin lill-oħrajn u titgħallem. Jekk tixtieq, ikteb jew għid talba fuq dan.