Ikla iżgħar għall-qalb ikbar

Ġieli kont qed tara it-televixin u ġew quddiemek filmati juru tfal bħalek, imma li huma neqsin mill-ikel u jsofru l-ġuħ? Jew ġieli smajt stejjer ta’ tfal li jixtiequ jmorru l-iskola imma minħabba nuqqas ta’ flus ma jistgħux? Għal Jum il-Karità ser inkunu qegħdin niċċaħdu ftit matul il-ġimgħa u mill-ħafna li għandna, ngħinu lill-oħrajn. 

• Aqsam il-karta minn nofs, imbagħad agħmel seba’ linji mimdudin. Ikteb is-seba’ ġranet tal-ġimgħa fuq ix-xellug u weħħel l-karta x’imkien fejn tara l-familja kollha. 
• Spjega lill-familja li matul l-ġimgħa kulħadd għandu jiċċaħħad minn xi ħaġa tal-ikel, bħal deżerta, jew tieklu iżjed sempliċi mis-soltu, jew xi ċikkulata inqas. 
• Ma’ kull jum li jgħaddi mmarka l-jum u poġġu l-flus li tkunu frankajtu f’bott jew karus. Fl-aħħar tal-ġimgħa bħala familja għoddu l-flus u iġbruhom ġewwa envelop biex jingħataw f’Jum il-Missjoni. 
• Matul din il-ġimgħa, ta’ kuljum, għid talba għal kull min hu nieqes mill-bżonnijiet ta’ kuljum u itlob għan-nies madwar id-dinja biex niftħu iżjed qalbna għall-bżonnijiet ta’ xulxin.