Ħelow Tfal!
Fil-15 t’Awwissu, il-Maltin jiftakru fi grupp ta’ vapuri li jgħidulhom Konvoj li, fit-Tieni Gwerra Dinjija, irnexxielhom jidħlu fil-Port il-Kbir ta’ Malta mingħajr ma jegħrqu. Il-baħrin, is-suldati u l-membri tal-ekwipaġġ ta’ dan il-konvoj, wasslu l-ikel u bżonnijiet oħra importanti lill-Maltin li kien mejtin bil-ġuħ u bbumbardjati mill-għadu. Illum ukoll hemm bosta pajjiżi fejn hemm il-gwerra. Hemm ukoll ħafna tobba, suldati u voluntiera li jgħinu pajjiżi fejn hemm il-gwerra.
Dan l-ispazju ta’ talb jismu Il-Konvoj li Salvana, ikollok bżonn:
- Poster tal-Konvoj ta’ Santa Maria jew sib filmat fuq youtube
- Karta vojta
- Pinna, lapes jew kuluri
- Gverta, faxex, flixkun ilma, ikel tal-bott, flus, stampi minn gazzetta dwar il-gwerra
- Iġbor xi oġġetti li taħseb li jkollhom bżonn nies li jgħixu f’pajjiż fejn hemm il-gwerra bħal faxex eċċ.
- Ħares lejn il-poster tal-Konvoj ta’ Santa Maria u lejn l-oġġetti li ġbart. X’taħseb li huma l-bżonnijiet ta’ nies li jgħixu fil-gwerra?
- Aħseb f’pajjiż fejn hemm il-gwerra. Itlob għal dan il-pajjiż u għan-nies li jippruvaw jgħinu lill-vittmi tal-gwerra.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
