In-nagħġa li tisma’

Ħelow tfal!

Qatt kont f’xi ħanut kbir u bqajt tħares lejn xi ħaġa u intlift?  Minn jaf kif ħassejtek x’ħin indunajt li qiegħed jew qegħda waħdek?  U min jaf kemm inkwetaw għalik dawk li kienu qed jieħdu ħsiebek u bdew jagħjtulek.  U min jaf kif għaraft il-vuċi tagħhom u ndunajt li ġejjin għalik kemm ħadt gost!

Xi drabi fil-ħajja jiġrilna li nibdew nagħtu l-attenzjoni lill-affarijiet li jogħġbuna iktar milli nagħżlu dak li hu l-aħjar għalina u b’hekk nintilfu minn ma’ Alla.  Ġesù jgħidlna li bħalma n-nagħaġ jagħrfu lir-ragħaj tagħhom hekk aħna wkoll nagħrfu lir-ragħaj tagħna Ġesù.

Il-prayer space li ser nagħmlu llum fimkien ma’ dawk li jgħixu magħna jisimha In-Nagħġa li tisma’ u għaliha għandna bżonn:

• Karta forma ta’ nagħġa bħal puppet   tas-swaba’ 
• Markers u kuluri
• Imqass

Ibda billi taħseb meta kont mitluf/a u għaraft li Ġesù qed jsejjaħlek biex terġa’ timxi warajh u tagħmel it-tajjeb.  Ġesù jsejjħilna permezz ta’ ħbieb tajba, permezz ta min jieħu ħsiebna u anke f’qalbna.

Pawza ta’ 5 sekondi 

Ħu karta b’ forma ta’ nagħġa, ikteb isemek fuqha u qasqas madwarha. Tinsiex tqasqas żewġ ċrieki fejn tkun tista’ daħħal is-subgħajk.

Waqt li daħħal subgħajk fil-puppet tan-nagħġa itlob lil Alla jgħinek tisma’ l-leħen tiegħu u timxi warajh.

Pawza ta’ 10 sekondi miġburin fit-talb.

Saħħa ħbieb sakemm nerġgħu niltaqgħu.

Azzjonijiet li jridu jinġibdu fi Klipp:

• Klipp tiegħek taħseb meta kont mitluf/a u għaraft li Ġesù qed jsejjaħlek biex terġa’ timxi warajh u tagħmel it-tajjeb.  
• Klipp tiegħek tikteb ismek fuq il- karta b’ forma ta’ nagħġa.
• Klipp tiegħek tqassqas madwar in-nagħġa u tagħmel 2 toqbiet għas-swaba.
  Klipp tiegħek daħħal subagħjk fil-puppet tan-nagħġa waqt li titlob lil Alla jgħinek tisma’ l-leħen tiegħu u timxi warajh.