It-Tjubija ta’ Alla

Hello Tfal,

Aħseb f’xi persuna li tħobbok u hi qalbha tajba miegħek. Din il-persuna tifhmek, tiggwidak u tissapportjak. L-esperjenza tal-imħabba umana tgħinna nifhmu kemm hu tajjeb u perfett Alla. Naraw it-tjubija t’Alla fil-ħolqien tiegħu, f’dak kollu li hu tajjeb f’ħajjitna, fin-nies li jibgħatilna biex jgħinuna fil-problemi tagħna, fil-kura u l-protezzjoni t’Alla l-aktar waqt mumenti iebsin ta’ ħajjitna. Il-ħajja ta’ Ġesu’, il-ħniena, l-imħabba u l-maħfra Tiegħu jgħinuna nifhmu t-tjubija t’Alla.

Dan l-ispazju ta’ talb jismu It-Tjubija ta’ Alla u ser ikollok bżonn:

• Ħelu
• Karta vojta
• Lapes, pinna jew markers

• Daħħal ħelwa f’ħalqek u ħu gost bit-tjubija tagħha..
• Fuq karta vojta, ikteb jew pinġi l-affarijiet kollha tajbin li tak Alla f’ħajtek.
• Għid jew ikteb talba biex tirringrazzja ‘l Alla tat-tjubija Tiegħu miegħek.