Nirriċiklaw il-plastik

Hello tfal,

Ħafna tfal iħobbu jmorru l-baħar biex jgħumu meta jasal is-sajf. Madankollu, l-iskart tal-plastik qiegħed jagħmel ħsara kbira mhux biss lill-ibħra, l-oċeani u l-kreaturi kollha tal-baħar, imma anki lill-ambjent ta’ madwarna. Din il-ħsara nistgħu nnaqqsuha billi narmu inqas plastik. Tajjeb nitgħallmu nerġgħu nużaw jew noħolqu affarijiet ġodda bl-iskart tal-plastik li jkollna. Nistgħu wkoll nippruvaw nixtru oġġetti li jkunu magħmulin minn materjal riċiklabbli biex tonqos il-ħsara lill-ambjent. B’hekk ikollna dinja iktar nadifa.

Dan l-ispazju ta’ talb jismu Nirriċiklaw il-Plastik

Ikollok bżonn:

• Fliexken tal-plastik kif ukoll oġġetti oħra magħmulin mill-plastik bħal boroż, tazzi, platti, tappijiet, frieket, skieken, kontejners jew kaxxi eċċ.)
• kolla
• imqass
• markers
• żebgħa acrylic
• pinzell

Istruzzjonijiet:

• Dur dawra mad-dar u iġbor oġġetti tal-plastik. Wara li tiġborhom, staqsi lilek innifsek: Meta dan l-oġġett mhux se jkolli iktar bżonnu, x’ser nagħmel bih? Nista’ ma narmihx?
• Għid jew ikteb talba biex tagħmel ħiltek ħalli tnaqqas l-iskart tal-plastik billi terġa’ tuża l-oġġetti tal-plastik li jkollok u tixtri oġġetti ta’ materjal riċiklabbli.
• Jekk tixtieq ara dan il-vidjow li jista’ jtik iktar ideat kif tista’ toħloq oġġetti jew arti mill-iskart tal-plastik.