Ejjew nġibu quddiem għajnejna fejn immorru u ma’ min niltaqgħu matul il-ġimgħa tagħna, per eżempju: l-iskola, il-lezzjonijiet tal-mużika, taż-żfin, training tal-isports, drama, kor, il-klassi tal-katekiżmu, il-parroċċa, persuni li niltaqgħu magħhom fil-weekend jew waqt attivitajiet soċjali, u tant attivitajiet oħra li huma parti essenzjali fil-ħajja ta’ kull wieħed u waħda minna.
- Fuq il-karta pinġi ċirku u ġo fih ikteb, “Il-Kommunità Tiegħi.”
- Oħloq għanqbuda u ikteb kull post li tattendi fih matul il-ġimgħa.
- Ħu ftit ħin u ħares lejn din l-għanqbuda. Aħseb ftit dwar il-ħajja tiegħek.
- Aqbad il-buttuni/żibeġ u immarka post wara l-ieħor filwaqt li taħseb f’dawk in-nies li tiltaqa’ magħhom.
- Għid talba żgħira għal dawn in-nies.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
