Sajjieda tal-bnedmin

Qatt ħsibt jew staqsejt kif suppost jkunu id-dixxipli veri ta’ Ġesù?

Ġesu jurina li kulħadd jista’ jkun dixxiplu tiegħu u għalhekk jimxi warajh.  Ma hemmx bżonn li wieħed jkollu xi talenti spettakolari jew xi kwalifiki partikolari.  Kulma hemm bżonn huwa r-rieda li nsibu ħin għalih u nsegwuh kull fejn imexxina.  Rridu nkunu lesti li ngħamlu l-valuri tiegħu, l-valuri tagħna.

In-Nisrani huwa xi ħadd li għandu relazzjoni personali u mill-qrib ma’ Ġesù.  Flimkien ma Pietru, Indrì, Ġakbu u Ġwanni, Ġesu qed jistieden lilna ukoll biex nimxu warajh u insiru sajjieda tal-bnedmin.  Ġesu jistedinna biex insegwuh, inkunu ħbieb tiegħu, insiru nafuh aktar, nieħdu pjaċir miegħu, nservu miegħu u ngħinuh fil-missjoni tiegħu.  Xi privileġġ għadna li Ġesù qed jistedinna nħadmu miegħu sabiex l-oħrajn jsiru jafu aktar lil Alla Missierna.  Dan hwa dak li kien qed jfisser Ġesù meta qal lill-appostli, “Ejjew warajja, u nagħmel minnkom sajjieda tal-bnedmin.” Mk 1:17

Il-prayer space li ser nagħmlu llum fimkien ma dawk li jgħixu magħna jisimha Sajjieda tal-Bnedmin u għaliha għandna bżonn:

• Borża tal-plastik
  ♺ b’rispett lejnl-ħolqien ta’ madwarna tajjeb li nerġgħu nagħmlu użu minn xi broża li diġa intużat u li kieku ser tintrema
• Karti b’forma ta’ ħut li fuqhom hemm impenġi persuna
• Marker Iswed

Ħu ftit ħin biex tirrifletti dwar din l-istedina biex twassal lill-oħrajn aktar viċin ta’ Alla u aħseb kif tista’ tagħmel dan fil-ħajja ta’ kuljum.

Waqt li timmaġina lilek innifsek tipprepara ruħek għal din il- missjoni, uża l- marker l-iswed u fuq il-borża tal-plastik penġi x-xibka.

Aħseb f’nies li inti tista’ twassal viċin ta’ Alla. Għal kull persuna li inti ħsibt fiha, poġġi karta b’ forma ta’ ħuta fil-borża tal- plastik.

Agħlaq dan il-mumnet ta’ talb billi titlob lil Alla biex  jgħinek tgħin lil dawn in-nies jsiru jafu aktar lil Alla.

Saħħa ħbieb sakemm nerġgħu niltaqgħu.  

♺ – Ftakar biex tuża borża tal-plastik li diġa intużat u li kieku ser tintrema.