San Oscar Arnulfo Romero

Oscar Arnulfo Romero, twieled fil-15 ta’ Awissu 1917. Missieru ħajru biex issir mastrudaxa u kien jgħin ukoll billi iwassal il-messaġġi,  għax missieru kellu uffiċċju telegrafiku.

Meta Oscar kellu 14 il-sena, xtaq issir Saċerdot. Beda l-istudji tiegħu ġewwa s-Seminarju, imma wara tlett xhur kellu jieqaf jistudja għal tlett xhur minħabba li il-familja kellha bżonn il-flus għal kura medika ta’ ommu. Sab xogħol flimkien ma ħuħ ġo minjiera tad-deheb.

Eventwalment huwa reġa mar jistudja għas-Saċerdozju ġewwa Ruma, fejn baqa tul it-Tieni Gwerra Dinjija.  F’dan iż-żmien ukoll mietu missieru u ħuħ.

Wara li ġie ordnat Saċerdot, irritorna lura San Salvador, fejn ġie maħtur Kappillan u wara rettur tas-seminarju. Fr Oscar beda jgħin organizazzjonijiet oħra li kien jipprovdu ikel u kenn lill-fqar, iżur il-ħabsin u jorganizza klassijiet strutturati tal-katekiżmu.  Kien predikatur tajjeb, ħafna nies kienu jmorru biex jisimgħu l-omeliji tiegħu, fejn kien jenfasizza it-tbatija tal-foqra u id-drittijiet tagħhom.  Fr Romero sar Isqof  fl-1970 u Arċisqof ta’ San Salvador fl-1977.

F’dan iż-żmien San Salvador kellu ħafna problemi politiċi.  It-tmexxija tal-pajjiż ġie mehud mill-Gvern minn grupp rivoluzzjonarju.  Taħt  it-tmexxija ta’ dan il-grupp bdew issiru abbużi tal-poter u bdew jiġu injorati id-drittijiet tal-bniedem.  

Filwaqt li il-Poplu ta’ San Salvador kompla jesperjenza konfliti ta’ vjolenza, L-Arċisqof Romero kompla jitlob lill-armata biex twaqqaf il-vjolenza u tirrispetta id-drittijiet tal-bniedem.  Il-poplu kompla isegwi l-omeliji tiegħu li kien jinstemgħu fuq il-mezzi tax-xandir mal-pajjiż kollu.  

Ħajtu kienet mhedda, l-istazzjon tar-Radju tiegħu ġie meqrud u reġa inbena mill-ġdid, imma qatt ma qatta qalbu.  L-aħħar omelija tiegħu kienet nhar it-23 ta’ Marzu 1980, meta b’qawwa talab lill-armata biex twaqqaf il-vjolenza kontra il-poplu.

L-għada, l-Arċisqof Romero inqatel b’sparatura waqt li kien qiegħed iqaddes ġo kappella ta’ sptar.  Għal-funeral attendew eluf ta’ persuni.

San Oscar Romera tilef ħajtu għal Fidi u l-ġustizzja soċjali.  Huwa ġie deskritt bħala l-‘Mikrofonu t’Alla, mhux biss għax uża ir-radju biex ixandar it-talbiet tiegħu għal paċi u l-ġustizzja, imma ukoll għax kien iħeġġeġ lil-poplu biex ikunu ‘mikrofonu t’ Alla.