Ħelsien mill-ktajjen

Hello tfal,

Aħseb fid-drabi meta kont ma tiflaħx u l-ġenituri, il-kustodji jew it-tabib tawk il-mediċina biex tfiq. Dawn il-mediċini huma magħmulin biex ifejquk imma d-drogi u s-sustanzi illegali m’għandhom l-ebda użu mediċinali u jikkawżaw biss ħsara fiżika u mentali li twassal għall-mewt. Barra minn hekk, ħafna tfal, adoloxxenti u adulti jispiċċaw vittmi ta’ kriminali li jittraffikaw id-droga madwar id-dinja. Dawn iħossuhom qishom marbutin bil-ktajjen. 

Dan l-ispazju ta’ talb jismu Ħelsien mill-Ktajjen.

Ikollok bżonn:

• Karta vojta
• Xemgħa tal-batterija
• Kuluri jew markers

Istruzzjonijiet:

1. Aħseb fl-effetti li d-drogi u s-sustanzi illegali jħallu fuq is-saħħa u l-ħajja tal-persuna.
2. Iddisinja poster li fih tinkludi katina b’messaġġ kontra d-drogi u t-traffikar tagħhom.
3. Ixgħel xemgħa u itlob biex tinqata’ l-katina tat-traffikar tad-droga madwar id-dinja ħalli jkun hawn iktar ġustizzja fid-dinja.
4. Nitolbu għall-vittmi tad-droga biex jinħelsu mill-vizzju tad-droga.