Qatt iċċelebrajt xi festi importanti fil-komunita’ tiegħek? Waħda mill-festi importanti fil-komunita’ Lhudija jisimha Yom Kippur. Jibdew din il-festa billi jixegħlu x-xemgħat u jbierku ‘l Alla. Imbagħad isumu, jitolbu u jimmeditaw fuq l-azzjonijiet tajbin u dawk li mhux daqshekk tajbin li jkunu għamlu fis-sena li għaddiet. Filwaqt li jitolbu ‘l Alla jaħfrilhom, iwegħduh li jagħmlu mill-aħjar biex ma jerġgħux jirrepetu l-ħażin li jkunu għamlu. Aħna wkoll mistiedna li:
- Nixegħlu x-xemgħat
- Inħarsu sew lejn il-fjamma u nbierku ‘l Alla, is-Sultan tal-Univers li jtina l-ħajja u s-saħħa fil-ħajja.
- Issa aħseb fuq xi azzjonijiet ħżiena li għamilt fis-sena li għaddiet u itlob ‘l Alla jgħinek biex ma terġax tagħmilhom.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
