Helow tfal!
Ġieli saqsejt lilek innifsek minn fejn jiġi d-dawl tal-Qamar? Kull meta nieħdu gost nħarsu lejn id-dawl tal-qamar inkunu qed napprezzaw il-kapacità li għandu l-qamar li jirrifletti d-dawl tax-Xemx.
Bħall-Qamar, aħna wkoll msejħin biex nirriflettu d-dawl uniku u veru tad-dinja – Id-dawl ta’ Alla.
Dan nagħmluh fuq l-ezempju ta’ San Ġwann il-Battista. L-appostlu Ġwanni jiddeskrivi lil San Ġwann il-Battista hekk: “Ġwanni ma kienx id-dawl, imma gie biex jixhed għad-dawl.” Bhalu aħna rridu nagħmlu kulma nistgħu biex nuru lil kulhadd kemm hu tajjeb u ħanin Alla tagħna.
Il-prayer space li ser nagħmlu llum jisimha: Rifless il-Qamar u biex nagħmlu dan għandna bzonn:
- Torc jew lampa tal-iskrivanija
- Ballun tal-foil
- Hu ftit ħin biex taħseb kif tista’ tirrifletti d-dawl ta’ Alla f’dak kollu li tgħid u tagħmel fil-ħajja tiegħek ta’ kuljum.
- Hu biċċa fojl u rrombla f’ballun. Issa hu t-torċ u ixgħela faccata tal-ballun tal-fojl biex b’hekk dan ikun jista’ jirrifletti d-dawl tagħha.
- Issa tista’ titlob lil Alla jgħinek biex f’dak kollu li tgħid u tagħmel tirrifletti d-dawl tiegħu.
Saħħa ħbieb sakemm nerġgħu niltaqgħu.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
