Kont taf li kull 4 snin jsiru l-Olimpijadi?
L-Olimpijadi bdew mill-Greċja u l-għan tagħhom huwa li permezz tal-isport nibnu dinja ta’ paċi u solidarjetà. Din il-paċi u solidarjetà narawha ukoll fil-bandiera li hija bajda b’ 5 ċrieki deħlin fuq xulxin, u kull ċirklu b’kulur partikolari.
Il-ħames ċrieki jirrapreżentaw l-ħames kontinenti u l-kuluri huma rapreżentazzjoni tal-kuluri li nsibu fil-bnadar tad-dinja. Kull bandiera għandha xi kulur minnhom fiha.
Il-Prayer Space jisimgħa Ċrieki tal-olimpijadi. Għaliha għandna bżonn
- it-template tal-bandiera tal-Olimpijadi
- pinna jew marker
- kuluri
- Fl-ewwel ċirku tat-template ikteb talba għall-familja,
- fit-tieni ċirku ikteb talba għall-ħbieb,
- fit-tielet ċirku ikteb talba għall-komunitajiet li qiegħed fihom – skola, mużew, football, scouts, eċt
- fir-raba ċirku għall-pajjiżna jew xi pajjiż li bħalissa għaddejj minn xi nkwiet.
- fl-aħħar ċirku talba għalik inniffsek – xi ħaġa li tixtieq għalik.
Pawsa ta’ ftit sekondi
Inġabar ftit u aqra t-talb li ktibt ġewwa qalbek u ara tixtieqx iżżid xi ħaġa.
Saħħa ħbieb sakemm nerġgħu niltaqgħu.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
