It-2 Jum

Illum ser npoġġu: l-għanqbut.

Naħsbu:

B’mod speċjali meta jkollkom xi mistednin id-dar, taraw li kullimkien ikun nadif. L-għanqbut żgur mhux posthom fil-kmamar fejn tilqgħu lin-nies. Fl-istalla fejn twieled Ġesù x’aktarx kien hemm l-għanqbut ukoll! X’jista’ jkun l-għanqbut fil-qalb tagħna? L-għanqbut huma l-għażliet ħżiena li nagħmlu.

X’ser tagħmlu flimkien bħala familja?

Qabel l-ikla ta’ filgħaxija, tkellmu dwar xi dgħufija li kull persuna jista’ jkollha, bħal per eżempju li tigdeb, li taħli l-ħin, li tissuppervja. Flimkien araw kif tistgħu tgħinu lil dik il-persuna tegħleb dan in-nuqqas.

Talba:

Għażiż Ġesù, jien irrid li l-qalb tiegħi tkun tixbaħ lil tiegħek. Jien insibha diffiċli ħafna li … (semmi dak in-nuqqas li ser tipprova tegħleb). Agħtini l-għajnuna tiegħek, biex sal-Milied, qalbi tkun aktar ippreparata biex tilqgħek.

Azzjoni:

Illum, jew matul din il-ġimgħa mur qerr.

Diska:

Illum ser nkantaw I wanna do right.

2. Niżżel it-tpenġija