Ħejju t-Triq

Bħal San Ġwann il-Battista, l-Knisja matul dan l-Avvent qed tfakkarna biex;

‘Nipreparaw it-triq għall-Mulej,’

Tajjeb li nħarsu ħarsa lejna nfusna u naraw x’qed jimblokka t-triq li twassalna għall-Imħabba ta’ Alla.  Irridu naraw liema drawwiet ħżiena u dnubiet li aħna qed nagħmlu u għalhekk qed jimbblukkaw it-triq.

Mod kif nistgħu inħejju it-triq huwa billi nitolbu maħfra lil Ġesù u anke nqerru d-dnubiet tagħna.  Meta triq tkun vojta u mingħajr ħażen inkunu nistgħu naraw l-preżenza u l-imħabba li Ġesù għandu għalina.

Il-prayer space li ser nagħmlu llum jisimha – Ħejju t-Triq u għaliha għandna bżonn:

• Karta b’ forma ta’passaġġ
• Biċċiet tal-karti żagħar
• Marker jew Biro

Ħu ftit ħin biex taħseb dwar id-drawwiet ħżiena u d-dnubiet li qed jħarbtu t-triq li turik kemm Alla jħobbok.

Fuq il-biċċiet tal-karti żagħar ikteb jew pinġi dawn id-drawwiet ħżiena jew dnubiet li qed jfixkluk.  Agħffeġ dawn il-karti u poġġihom fuq il-karta b’forma ta’ passaġġ.

Issa waqt li tħares lejn dawn l-ostakli itlob lil Alla biex jgħinek tipprepara it-triq sabiex tkun tista’ tgħix l-imħabba li għandu lejk il-ħin kollu. 

Pawza miġburin fit-talb.

Fl-aħħarnett waqt li tneħħi l-karti magħfġin minn fuq il-karta b’forma ta’ passaġġ aħseb u pjana biex tersq lejn is-sagrament tal-qrar sabiex tkun qed tħejji t-triq għall-Mulej bl-aħjar mod.  

Saħħa ħbieb sakemm nerġgħu niltaqgħu.