Hello tfal
Il-Jum Internazzjonali tal-Lingwi Nattivi jiġi ċċelebrat madwar id-dinja kollha fil-21 ta’ Frar biex insiru konxji mid-differenzi lingwistiċi u kulturali madwar id-dinja. Meta jkun hemm xi lingwa li ma tintużax tista’ tispiċċa u tiġi minsija. Dan ikun ifisser li ħafna tfal u żgħażagħ ma jkunux jistgħu jitgħallmu jitkellmu, jaqraw u jiktbu bil-lingwa tagħhom. Għalhekk huwa importanti li napprezzaw ilsien pajjiżna u li nitkellmu u nistudjaw il-lingwa tagħna. Meta nkantaw l-Innu Malti, miktub mill-Poeta Nazzjonali tagħna Dun Karm Psaila, inkunu qed nużaw il-Malti biex nitolbu għal pajjiżna.
Din ir-rokna ta’ talb jisimha Ilsien Pajjiżi.
Għandek bżonn:
- Lapes jew pinna
- kuluri
- Poster 1 bil-versi tal-Innu Malti
- karta vojta
- Il-poster numru 2 bl-istampi
Instruzzjonijiet:
- Aqra l-Innu Malti minn poster 1 u agħżel vers li jolqtok.
- Ħarel lejn l-istampi fuq poster 2. Aħseb fuqhiex tfakkrek kull stampa.
- Fuq template 1 (jew fuq karta vojta) pinġi l-bandiera Maltija bil-kulur u ikteb it-talba/poeżija tiegħek għal Malta.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
