Imħabba ta’ veru

Ħelow tfal!

Fir-raba’ ħadd tal-Avvent ser nerġgħu mmorru ħdejn il-girlanda u ser nixgħelu x-xemgħa li tirrapreżenta l-imħabba. Il-festa tal-Milied hija ċelebrazzjoni tal-ikbar imħabba li Alla wera fid-dinja meta bagħat fostna lil Ġesù. U għalhekk dan huwa l-aħħar Ħadd li fih nippreparaw il-qalb tagħna biex nerġgħu niftakru u niċċelebraw  it-twelid ta’ Ġesù Bambin. 

Nixgħelu x-xemgħa flimkien:

L-imħabba hija azzjoni u mhux xi ħaġa li nħossu. Din l-imħabba nistgħu nuruha ma’ kulħadd, anke ma’ dawk li ma nafux. Aħseb ftit f’xi azzjoni sabiħa li xi ħadd għamel miegħek.

• Kif ħassejtek? 
• Dak li ħassejt kien ta’ għajnuna għalik biex inti tkun ħanin/a mal-oħrajn? 
• Pinġi qalb u fuqha ikteb “Ejja Mulej Ġesù twieled ġewwa qalbi.” 
• Imbagħad aqbad tliet strixxi tal-karti, waħda safra, blu u ħadra. Fuq is-safra ikteb xi azzjoni sabiħa li rċevejt, fuq il-blue ikteb kif ħassejtek, u fuq il-ħadra ikteb kif tista’ tkun t’għajnuna għall-oħrajn anke permezz t’affarijiet żgħar. 
• Weħħel l-istrixxi mal-qalb bil-kolla jew stapler. 
• Poġġi l-qalb u l-ħsibijiet tiegħek  mal-maxtura ta’ Ġesù Bambin li għandkom armata fid-dar jew l-iskola.

Ejjew inkantaw flimkien: L O V E, Love

Saħħa tfal! Sakemm nerġgħu niltaqgħu.