Ħellow tfal!
Wasalna fit-tielet Ħadd tal-Avvent. Dan il-Ħadd ngħidulu “Ħadd il-Ferħ”.
Illum nixgħelu x-xemgħa r-roża fil-girlanda biex naqtgħu ftit mill-kulur vjola li huwa ftit skur u jfisser penitenza. Illum mistednin nifirħu għax it-twelid ta’ Ġesu’ Bambin hu fil-qrib.
Nixgħelu x-xemgħa r-roża flimkien
Illum se naħsbu f’dak kollu li jagħmilna ferħanin.
- Pinġi bużżieqa jew jekk trid tista’ tuża’ l-mudell tal-bużzieqa, għamlilha żigarella magħha u fuqha ikteb ismijiet ta’ nies jew postijiet li jferrħuk.
- Irringrazzja lil Alla għal dawn il-persuni jew postijiet li jferrħuk.
- Dendel il-bużżieqa fejn tista’ tarha spiss.
Ejjew inkantaw flimkien:
Saħħa tfal! Sakemm nerġgħu niltaqgħu.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
