Ħelow Tfal!
Ġieli mort f’xi għalqa man-nannu, forsi ma’ xi ziju jew ħabib, jew forsi kontu għaddejjin minn fejn xi għalqa waqt xi passiġata u rajtu xi bidwi jiżra’ xi ż-żerriegħa jew iħawwel il-ħaxix.
Fl-14 jew il-15 ta’ Jannar, l-Induisti (Hindus) jiċċelebraw il-Makar Sankranti Festival. Dan il-festival huwa ċċelebrat f’diversi partijiet tal-Indja. Matul dan il-festival tiġi ċċelebrata l-ħajja billi jiġu miżrugħin ħxejjex, frott u qamħ, kif ukoll rit tal-paċi fejn kulħadd jingħaqad flimkien ma’ xi ħadd li jkun naqsu b’xi azzjoni ħażina jew kelma żejda. Waqt din iċ-ċelebrazzjoni imbagħad jiżfnu flimkien madwar ħuġġieġa tan-nar u jinżlu fix-xmajjar biex jitnaddfu mill-ħażin li jkunu għamlu.
Il-Prayer Space tal-lum jisimha: Niżirgħu u naħsdu. Għandna bżonn:
- Stampa jew tpinġija ta’ ħuġġieġa tan-nar /kraft tiegħek ta’ ħuġġieġa.
- Pinna jew lapes
- Kuluri
Madwar il-ħuġġieġa ikteb jew pinġi tip ta’ ikel.
Ikteb l-isem ta’ persuna speċjali għalik, isem ta’ raħal.
Ikteb mod kif inti tista’ tgħin id-dinja tagħmilha iktar id-dar tiegħek.
Inġabar ftit għall- kwiet u għid talba biex tirringrazzja ‘l Alla ta’ dan il-ġid li għandek.
Saħħa tfal! Sakemm nerġgħu niltaqgħu!
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
