It-Tridu tal-Għid, jikkonsisti fil-ġranet l-aktar importanti fis-sena liturġika li niċċelebraw bħala Knisja. Il-kelma Tridu ġejja mil-Latin Triduum li tfisser tlett ijiem. Għalhekk dawn huma t-tlett ijiem li jiħqu l-qofol tagħhom f’jum l-Għid il-Kbir. It-Tridu, jibda nhar Ħamis ix-Xirka filgħaxija, jkompli l-għada, il-Ġimgħa l-Kbira, isib il-quċċata tiegħu f’jum is-Sibt, bil-Vġili tal-Għid u jintemm bl-aħħar talba liturġika li ssir il-Ħadd f’jum l-Għid il-Kbir. F’dawn il-jiem, aħna mhux biss inġeddu l-memorja tal-passjoni, l-mewt u l-qawmien ta’ Sidna Ġesu’ Kristu, iżda Kristu stess, permezz tas-sagramenti u l-liturġija, iseħibna miegħu, biex aħna wkoll ngħaddu flimkien miegħu mill-mewt għall-ħajja ġdida. Din is-sena, ma nistgħux inkunu flimkien fil-knejjes biex nieħdu sehem fil-liturġija. Madanakollu, bħala familji, tajjeb insibu ħin ta’ kwalita’ u ninġabru flimkien fit-talb. Hawn taħt, għandkom issibu xi ftit indikazzjonijiet biex tkunu tistgħu tippjanaw attivitajiet għat-tfal tagħkom. Qed nipprovduhom qabel biex wieħed ikun jista’ jippreparahom minn kmieni.
Naraw flimkien:
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
