Sant Anjeże

21 ta' Jannar


Dak li nafu dwar ħafna mill-Qaddisin u l-Martri ta’ l-ewwel żminijiet tal-Knisja, huwa ibbażat fuq it-tradizzjoni, għalhekk l-informazzjoni dwarhom tvarja.

Fil-fatt, dak li nafu dwar Sant’ Anjeże ġej minn skrizzjoni li hemm fil-post fejn sofriet il-martirju u tinsab midfuna.

Bil-Grieg, l-isem ‘Anjeże’ iffisser ‘kasta’ u bil-Latin iffisser ‘ħaruf’.  Huwa mifhum li sofriet il-martirju fis-sena 304 WK meta kellha madwar 12 jew 13-il sena.  Dan iffisser li twieldet madwar is-sena 291 WK.

Il-Ġenituri ta’ Anjeże kienu Insara nobbli fl-Imperu Ruman, fi żmien meta l-Emperatur Dioklezjanu kien qiegħed jippersegwita l-Insara, bil-ħsieb li jeqred il-Fidi Nisranija.  Fil-fatt, fis-sena 303 Wk, flimkien ma Galerju iddikjara li l-postijiet tat-talb u l-kitbiet ta’ l-Insara għandhom ikunu meqruda, waqt li l-Insara, b’mod speċjali is-saċerdoti, ġew mitfuha l-ħabs, ittorturati u maqtula jekk kienu jirrifjutaw li jiċħdu il-Fidi Nisranija tagħhom u jagħtu qima l-Emperatur.

Huwa mifhum li darba, Prokopju, iben ta’ prefett Ruman, iltaqgħa ma’ Anjeże hi u sejra lura lejn id-dar.  Ħa grazzja magħha u talabha biex tiżżewwġu.  Biex taċċetta xtralha rigali u wegħdha il-ġid tal-familja tiegħu.  Anjeże irrifjutat u qaltlu li hija l-għarusa ta’ Kristu.  

Meta missier Prokopju sar jaf li kienet Nisranija, arrestaha u telgħaha l-qorti.  Anjeże irrifjutat dak kollu li pproponilha l-Emperatur biex tiċħad il-Fidi Nisranija tagħha.  Waqt li kienet qegħda tiġi ittorturata permezz ta’ umiljazzjonijiet bil-għan li jattakaw is-safa tagħha ġiet imħarrsa permezz ta’ intervent Divin.

Fl-aħħar ingħatat is-sentenza tal-mewt billi tiġi maħruqa ħajja.  Huwa mifhum li il-fjammi ma għamlulha l-ebda deni.  Meta ġara hekk suldat silet ix-xabla u qatalha rasha barra.

Il-fdalijiet tagħha instabu fil-katakombi u għadhom miżmumin taħt l-artal maġġur fil-knisja ta’ ‘Sant’ Agnese Fuori le mura’ ġewwa Ruma li ġiet mibnija fuq il-post fejn indifnet.

Wieħed ma jistax jiċħad il-fatt li qegħdin ngħixu f’dinja fejn xejn mhu xejn.  Dan jgħodd speċjalment għar-rigal tas-sesswalita’, kwalita li tagħmilna nisa u rġiel, u mgħotija bħala rigal mingħand Alla.

Fittxu fil-Bibbja l-istorja tal-Ħolqien tal-Bniedem (Ġen 1: 27-28), agħti importanza lid-dikjarazzjoni li il-bniedem huwa maħluq fuq xbieha ta’ Alla.

Skont l-etajiet tat-tfal, spjegalhom dwar il-valur, d-dinjita u sinifikat ta’ ġisimhom.  Sib jew oħloq opportunitajiet biex titkellem magħhom u tgħinhom japprezzaw ir-rigal tas-sesswalita’.

Ejjew naqsmu mat-tfal is-sbuħija tas-safa, kif ukoll niżirgħu iż-żerriegħa ta’ dan il-virtu fil-moħħ u l-qalb tagħhom bil-għan li jesprimuh fil mod ta’ kif jaġixxu, dak li jilbsu, bil-mod kif jitkellmu, dak kollu li jsegwu (kitba, midja soċjali, films, internet – tista tuża imblokkaturi tas-siti eletroniċi biex tikkontrolla il-kontenut li jitellgħu minn fuq l-internet).

Dan jinvolvi ħin, sforz, attenzjoni u prudenza.  Bħala ġenituri nistgħu nrawwmu f’uliedna attitudni lejn is-sesswalita li tagħti ġieħ lil Alla.

Sant Anjeże għażlet li timxi wara Ġesu’ anki jekk dan kien iffisser li titlef ħajjitha.  Wara li taqraw l-istorja ta’ Sant’ Anjeże, staqsi lit-tfal x’jaħsbu kien dak li ħasset u x’kien iffisser dan kollu għaliha.   

-Kompli isma l-opinjonijiet tat-tfal dwar xi jfisser għalihom meta jagħżlu li jimxu wara Ġesu’: jagħmlu dak li hu sewwa, deċiżjonijiet diffiċli li jkollhom jagħmlu meta jħossu l-pressjoni mingħand ħaddieħor biex jieħdu deċiżjoni ħażina, dak li jħossu meta jagħżlu li jagħmlu dak li hu tajjeb u minn huma dawk li jistgħu jgħinuhom jimxu wara Ġesu’.  

Ħin għat-Talb mal-Familja

Għamlu t-tfal konxji li anki illum jinsabu ħafna Nsara li qegħdin ikunu ippersegwitati minħabba it- twemmin tagħhom f’Ġesu’.

Mexxi lit-tfal f’talba għal dawk il-persuni li qegħdin jgħixu fil-biża, biex jibqu sodi fil-fidi tagħhom akkost ta’ kollox.

Ejjew inkunu grati li fis-soċjeta li ngħixu fiha nistgħu nipprattikaw l-fidi tagħna b’mod liberu, u li għandna saċerdoti li jgħinuna fil-mixja tagħna wara Ġesu’.

Kantaw u itolbu flimkien:  Follow Jesus Song u I have decided to follow Jesus  

TpenġijaNiżżel


Kif tuża dan l-ispazju

Alla jkellimna b'ħafna modi, inkluż permezz tal-qaddisin tal-Knisja. Hawnhekk tista' ssib tagħrif u attivitajiet li jistgħu jgħallmuk dwar x'inhi l-qdusija u li jħeġġuk tgħix ħajja dejjem aktar qaddisa.