Għerf
Id-don tal-għerf jgħinni nagħraf dak li hu tajjeb u dak li Alla jixtieqni nagħmel. Nista’ wkoll ngħin lill-oħrajn jagħmlu dak li Alla jixtieq.
Kif jistgħu l-ġenituri jinkoraġġixxu dan id-don f’uliedhom?
- Tkellmu mat-tfal dwar l-imħabba ta’ Alla u kif Alla juri din l-imħabba.
- Jgħinuhom jagħżlu bejn it-tajjeb u l-ħażin.
Talba
Spirtu s-Santu, għinni nifhem kemm Alla jħobbni. Għinni biex inħobb lil Alla fuq kollox u fuq kulħadd. Ammen.
Eroj
Santa Katerina ta’ Lixandra
Santa Katerina għexet id-don tal-Għerf meta kienet titkellem dwar il-fidi tagħha ma’ kulmin tiltaqa’. Għenet ħafna nies biex isiru nsara. Kienet tħobb lil Ġesù u mietet martri.
Ngħixuh fil-ħajja tagħna!
- Tkellem ma’ Alla kuljum, bħalma titkellem ma sħabek. Tkellem miegħu dwar il-ġurnata li kellek, dak li ħassejt u l-pjanijiet li għandek.
- Qabel ma tieħu deċiżjoni, itlob.
- Qabel ma tagħmel xi ħaġa, staqsi jekk din hijiex ser togħġob lil Alla.
Aqra aktar dwar Santa Katerina ta’ Lixandra.
Dwar
L-għan ta’ bekids.mt hu li joffri formazzjoni kateketika komprensiva għat-tfal u għall-adolexxenti li qegħdin jippreparaw biex jirċievu s-sagramenti.
