Marija, imnikta u muġugħa

Flimkien ma’ Marija matul is-sajf

Speċjali

Attività

Flimkien ma’ Marija matul is-sajf:

Nisimgħu

Qari mill-Evanġelju skont San Ġwann (19, 25-27)

Kien hemm wieqfa ħdejn is-salib ta’ Ġesù ommu, oħt ommu, Marija ta’ Kleofa, u Marija ta’ Magdala. Mela kif Ġesù lemaħ lil ommu u lid-dixxiplu li kien iħobb wieqaf ħdejha, qal lil ommu: “Mara, hawn hu ibnek.” Imbagħad qal lid-dixxiplu: “Hawn hi ommok.” U minn dak il-ħin id-dixxiplu ħadha għandu.

Il-Kelma tal-Mulej
Tifħir lilek Kristu

Nitgħallmu

Marija dejjem baqgħet ma’ binha Ġesù. Ħaddieħor, telaq għaliex beża’. Anke Ġesù, baqa’ sal-aħħar jieħu ħsieb lill-mama’ tiegħu.

Marija tgħallimna li:

Hi baqgħet ma’ binha Ġesù u hekk ukoll tibqa dejjem magħna
Hi l-mama’ tagħna wkoll

Nitolbu

Ġesù, għinna biex inkunu ħbieb ta’ vera u nibqgħu mal-ħbieb, kemm meta jkunu ferħana u anke meta jkunu mdejqa

Nitolbu l-aħħar misteru tat-Tbatija.

Ngħidu l-litanija tal-Madonna.

Nagħmlu

Flimkien mal-ġenituri tagħkom, araw l-aħbarijiet tal-lum (mill-gazzetta, internet, TV). Sfortunatament, dejjem nisimgħu aħbarijiet li huma ta’ niket u tbatija. Agħmlu lista tagħhom. Meta tkunu qegħdin titolbu, semmuhom u itolbu għan-nies li jkunu parti minn dawk il-ġrajjiet biex il-Madonna biex twassalhom lil binha Ġesù u tgħinhom fil-mumenti diffiċli li jkunu qed jgħixu.

Tpenġija Niżżel

Immorru

Il-parroċċa ta’ San Pawl il-Baħar, iddedikata u tiċċelebra l-festa tal-Madonna tad-Duluri.

Ftakru ħudu ritratt u ibagħtuhulna!

Marija, imnikta u muġugħa

Flimkien ma’ Marija matul is-sajf

Din il-ġimgħa

Dwar

Talb mit-tfal

Ikkuntattjana