Qawwa

Id-doni tal-Ispirtu s-Santu

Qawwa

Id-don tal-qawwa jagħtini l-kuraġġ biex nimxi wara Ġesù u ngħix ħajja nisranija tajba. Ikolli l-kuraġġ biex nibqa’ sod f’dak li nemmen.

Kif jistgħu l-ġenituri jinkoraġġixxu dan id-don f’uliedhom?

  • Kunu ta’ eżempju tajjeb, billi tagħmlu l-almu tagħkom biex tkunu qaddisa u tieħdu deċiżjonijiet tajba.
  • Faħħru l-isforzi tajba li jagħmlu uliedkom.
  • Inkoraġġuhom biex jagħmlu dak li hu tajjeb, anke meta dan hu diffiċli.

Talba

Spirtu s-Santu, agħtini l-kuraġġ biex kuljum, nimxi wara Ġesù. Ammen.

Eroj

San Stiefnu

San Stiefnu kien jgħallem dwar Ġesù. Xi Lhud irrabjaw għalih, għaliex ma riedux lin-nies jimxu wara Ġesù. Il-mexxejja Lhud gidbu kontrieh. Stiefnu wera qawwa kbira meta baqa’ ma ċaħadx dak li għallem. Hu ma ċaħadx lil Ġesù u miet wara li ħaġġruh.

Ngħixuh fil-ħajja tagħna!

  • Uri kuraġġ bħal San Stiefnu. Tibżax u lanqas għandek tistħi tgħid li inti tħobb lil Ġesù. Taħbix minn sħabek il-fatt li titlob u tmur il-quddies.
  • Kun kuraġġuż/a quddiem sħabek. Tagħmilx dak li jgħidulek, jekk dan mhux skont li jixtieq minnek Ġesù.

Aqra aktar dwar San Stiefnu.